കൊൽക്കത്ത: പശ്ചിമ ബംഗാളിൽ തൃണമൂൽ കോൺഗ്രസ് മേൽക്കൈ നിലനിർത്തി പോകുമ്പോഴും വിജയപ്രതീക്ഷ കൈവിടാതെ ബിജെപി. ട്രെന്റല്ല തിരഞ്ഞെടുപ്പ് ഫലം തീരുമാനിക്കുന്നതെന്നും ഇപ്പോഴും വിജയപ്രതീക്ഷ ഉണ്ടെന്നും പശ്ചിമ ബംഗാൾ ബിജെപി അധ്യക്ഷൻ ദിലീപ് ഘോഷ് പ്രതികരിച്ചു.
നിലവിൽ 200 സീറ്റുകളിൽ തൃണമൂൽ കോൺഗ്രസ് ലീഡ് നിലനിർത്തുമ്പോൾ 90 സീറ്റുകളിലാണ് ബിജെപി മുന്നിൽ നിൽക്കുന്നത്. വോട്ടെണ്ണലിന്റെ തുടക്കം മുതൽ തൃണമൂൽ കോൺഗ്രസ് ലീഡ് നിലനിർത്തുന്ന കാഴ്ചയാണ് ഉള്ളത്.
അതേസമയം, നന്ദിഗ്രാമില് അഭിമാനപ്പോരാട്ടത്തിന് ഇറങ്ങിയ മുഖ്യമന്ത്രി മമതാ ബാനർജി തിരിച്ചടി നേരിടുകയാണ്. ബിജെപി സ്ഥാനാർഥി സുവേന്തു അധികാരിക്ക് മുന്നിൽ മമതക്ക് കാലിടറുന്ന കാഴ്ചയാണ് കാണുന്നത്. കഴിഞ്ഞ തിരഞ്ഞെടുപ്പിൽ തൃണമൂൽ കോൺഗ്രസ് സ്ഥാനാർഥിയായി മൽസരിച്ച സുവേന്തു ഇത്തവണ ബിജെപിക്ക് വേണ്ടിയാണ് കളത്തിലിറങ്ങിയത്.
Also Read: ജോസ് കെ മാണിയെ കൈവിട്ട് പാലാ; മാണി സി കാപ്പന്റെ ലീഡ് പതിനായിരം കടന്നു