ന്യൂഡെല്‍ഹി: ട്വിറ്ററിനെതിരെ ട്വീറ്റ് ചെയ്‌ത്‌ കങ്കണ റണൗട്ട്. ട്വിറ്റര്‍ ഹിന്ദുഫോബിക് ആയ മാദ്ധ്യമം ആണെന്നും രാജ്യത്ത് ട്വിറ്റര്‍ നിരോധിക്കുന്ന നടപടികളുമായി കേന്ദ്രസര്‍ക്കാര്‍ മുന്നോട്ടു പോകണമെന്നും കങ്കണ അഭിപ്രായപ്പെട്ടു. കുടുംബവുമൊത്തുള്ള ചിത്രവും കങ്കണ ട്വീറ്റിനൊപ്പം പങ്കുവെച്ചിരുന്നു.
‘കേന്ദ്രസര്‍ക്കാര്‍ ട്വിറ്റര്‍ നിരോധിക്കാന്‍ ഒരുങ്ങുന്നതായി വാര്‍ത്തകള്‍ കേള്‍ക്കുന്നു. നന്നായി. നമുക്ക് ഒത്തുചേരാന്‍ ഹിന്ദുഫോബിക്, ദേശവിരുദ്ധ മാദ്ധ്യമമായ ട്വിറ്ററിന്റെ ആവശ്യമില്ല’- എന്നായിരുന്നു കങ്കണയുടെ ട്വീറ്റ്.
കേന്ദ്ര ആഭ്യന്തരമന്ത്രി അമിത് ഷായുടെ പ്രൊഫൈല്‍ ചിത്രം ട്വിറ്റര്‍ നീക്കം ചെയ്‌തിരുന്നു. ഇതിന് തൊട്ടുപിന്നാലെയാണ് ട്വിറ്ററിനെതിരെ കങ്കണയുടെ പ്രതികരണം. കോപ്പിറൈറ്റ് നിയമം ലംഘിച്ചതിനെ തുടര്‍ന്നാണ് ചിത്രം നീക്കം ചെയ്‌തത് എന്നായിരുന്നു ട്വിറ്ററിന്റെ വിശദീകരണം. അധികം വൈകാതെ ട്വിറ്റര്‍ തന്നെ അമിത് ഷായുടെ ചിത്രം പുനസ്‌ഥാപിക്കുകയും ചെയ്‌തിരുന്നു.
Read also: അശ്രദ്ധമായ പിഴവ്; അമിത് ഷായുടെ പ്രൊഫൈല്‍ ചിത്രം നീക്കം ചെയ്‌തതില്‍ ട്വിറ്റര്‍
