ലണ്ടൻ: ഇന്ത്യൻ നിർമിത കോവിഡ് വാക്സിനായ കൊവാക്സിന് ബ്രിട്ടന്റെ അംഗീകാരം. കൊവാക്സിൻ സ്വീകരിച്ചവര്ക്ക് ഇനി മുതല് ബ്രിട്ടനില് പ്രവേശിക്കാം. നവംബര് 22 മുതല് രാജ്യത്ത് പ്രവേശിക്കാനാണ് അനുമതി. ഇന്ത്യയ്ക്ക് പുറമെ യുഎഇ, മലേഷ്യ എന്നിവിടങ്ങളില് നിന്നുള്ള പൂര്ണമായും വാക്സിന് സ്വീകരിച്ചവര്ക്കും ഇനി യുകെയില് പ്രവേശിക്കാം. യുകെയില് പ്രവേശിക്കാന് ക്വാറന്റെയ്ൻ വേണമെന്ന നിബന്ധനയും പിന്വലിച്ചു.
പൂര്ണമായും വാക്സിന് സ്വീകരിച്ച 18 വയസിന് താഴെയുള്ളവരുടെ യാത്രാ നിയന്ത്രണങ്ങളിലും യുകെ ഇളവ് അനുവദിച്ചിട്ടുണ്ടെന്ന് ഗതാഗത വകുപ്പ് അറിയിച്ചു. അതേസമയം, കൊവാക്സിന് പിന്തുണയുമായി ലോകാരോഗ്യ സംഘടനയും രംഗത്തെത്തി. ഡെല്റ്റ വകഭേദത്തിന് എതിരെ കൊവാക്സിന് 70 ശതമാനം ഫലപ്രദമാണെന്നാണ് ലോകാരോഗ്യ സംഘടനയുടെ നിലപാട്. അടുത്തിടെയാണ് വാക്സിന് ലോകാരോഗ്യ സംഘടനയുടെ അംഗീകാരം ലഭിച്ചത്.
Read Also: വ്യാഴാഴ്ച വരെ ഇടിമിന്നലോട് കൂടിയ ശക്തമായ മഴക്ക് സാധ്യത