കൊച്ചി: യുക്രൈനിൽ നിന്ന് ഡെൽഹിയിൽ എത്തുന്ന മലയാളികളെ കേരളത്തിലേക്ക് കൊണ്ടുവരാന് സർക്കാർ ഏർപ്പാടാക്കിയ മൂന്ന് ചാര്ട്ടേഡ് വിമാനങ്ങള് ഇന്ന് സർവീസ് നടത്തും. മുഖ്യമന്ത്രി പിണറായി വിജയനാണ് ഇന്നലെ ചാർട്ടേഡ് വിമാന സർവീസ് ഉണ്ടാകുമെന്ന് പ്രഖ്യാപിച്ചത്.
ഇതിലെ ആദ്യ വിമാനം രാവിലെ 9.30ന് ഡെൽഹിയില് നിന്നും തിരിച്ചു. രണ്ടാമത്തേത് ഉച്ചക്ക് 3.30നും മൂന്നാമത്തേത് വൈകുന്നേരം 6.30നുമാണ് ഡെൽഹിയില് നിന്ന് പുറപ്പെടുക. കൊച്ചിയിൽ എത്തുന്നവർക്ക് വേണ്ടി കൊച്ചി വിമാനത്താവളത്തില് നിന്നും തിരുവനന്തപുരത്തേക്കും കാസര്കോട്ടേക്കും പ്രത്യേക ബസ് സര്വീസുണ്ടാകും.
കൊച്ചിയില് എത്തുന്നവരെ സ്വീകരിക്കാന് വനിതകളടക്കമുള്ള നോര്ക്ക ഉദ്യോഗസ്ഥ സംഘം 24 മണിക്കൂറും പ്രവര്ത്തിക്കുന്നുണ്ട്. കേരളത്തിലെ നാല് വിമാനത്താവളങ്ങളിലും നോര്ക്കയുടെ പ്രത്യേക ടീമുകൾ പ്രവര്ത്തനനിരതമാണെന്നും മുഖ്യമന്ത്രി അറിയിച്ചു.
Read Also: പൊതു ഇടങ്ങളിലെ വൈഫൈ ഉപയോഗിച്ച് പണമിടപാട് നടത്തരുത്; പോലീസ് മുന്നറിയിപ്പ്