പെരിന്തൽമണ്ണ: തദ്ദേശ തിരഞ്ഞെടുപ്പ് വിധിയറിയാൻ ജില്ല പൂർണ സജ്ജം. പെരിന്തൽമണ്ണ ബ്‌ളോക്ക് പഞ്ചായത്തിന്റേയും എട്ട് പഞ്ചായത്തുകളുടെയും വോട്ടെണ്ണൽ പെരിന്തൽമണ്ണ പ്രസന്റേഷൻ സ്‌കൂളിൽ നടക്കും. ബ്‌ളോക്കിലെ 17 ഡിവിഷനുകളിലെയും എട്ട് പഞ്ചായത്തുകളിലെയുമായി 296 ബൂത്തുകളിലെ വോട്ടുകളാണ് ഇവിടെ എണ്ണുന്നത്.
വോട്ടെണ്ണൽ രാവിലെ കൃത്യം 8 മണിക്ക് തന്നെ ആരംഭിക്കും. അങ്ങാടിപ്പുറം, കീഴാറ്റൂർ, മേലാറ്റൂർ, വെട്ടത്തൂർ, ആലിപ്പറമ്പ്, താഴേക്കോട്, പുലാമന്തോൾ, ഏലംകുളം പഞ്ചായത്തുകളിലെ വോട്ടുകളാണ് പ്രസന്റേഷൻ സ്‌കൂളിൽ എണ്ണുന്നത്. പെരിന്തൽമണ്ണ നഗരസഭയുടെ 36 ബൂത്തുകളിലെ വോട്ടെണ്ണൽ പെരിന്തൽമണ്ണ ഗവ. ഗേൾസ് ഹയർസെക്കൻഡറി സ്‌കൂളിൽ നടക്കും.
Also Read: വോട്ടെണ്ണൽ; ജില്ലയിൽ വിവിധ ഇടങ്ങളിൽ നിരോധനാജ്‌ഞ
10 മണിയോടെതന്നെ ഫലം അറിയാനായേക്കും. ഒരുഘട്ടത്തിൽ 5 വാർഡുകളിലേത് എന്ന ക്രമത്തിൽ ഏഴ് ഘട്ടമായാണ് 34 വാർഡുകളിലെ വോട്ട് എണ്ണുന്നത്. മങ്കട ബ്‌ളോക്ക് പഞ്ചായത്തിലെ 13 ഡിവിഷനുകളുടെയും 6 പഞ്ചായത്തുകളുടെയും വോട്ടെണ്ണൽ അങ്ങാടിപ്പുറം പോളിടെക്‌നിക് കോളേജിലാണ് നടക്കുക.
