കോഴിക്കോട്: വടകര ഗവ. ജില്ലാ ആശുപത്രി വികസനത്തിനായി 100 കോടിയുടെ പദ്ധതി. നാഷണൽ റൂറൽ ഹെൽത്ത് മിഷനുമായി ബന്ധപ്പെട്ടാണ്‌ പദ്ധതി. പശ്‌ചാത്തല സൗകര്യ വികസനത്തിന്‌ കേന്ദ്ര, സംസ്‌ഥാന ഫണ്ടിൽ നിന്ന്‌ 98 കോടിയും ധന്വന്തരി ഡയാലിസിസ് സെന്ററിന് 2 കോടിയുടെ ഡയാലിസിസ് മെഷീനുകളുമാണ് ലഭിക്കുക.
25 ശതമാനത്തിൽ കൂടുതൽ മതന്യൂനപക്ഷങ്ങൾ അധിവസിക്കുന്ന മേഖലകളിലെ ആരോഗ്യ, വിദ്യാഭ്യാസ സ്‌ഥാപനങ്ങൾക്കായി ഉണ്ടാക്കിയ ഫണ്ടാണിത്. ഇതിൽ നിന്നാണ് ആശുപത്രി വികസനത്തിനായി 100 രൂപയോളം അനുവദിച്ചത്. നിലവിൽ ആശുപത്രിയിൽ സംസ്‌ഥാന സർക്കാർ നിർമിച്ച കെട്ടിടത്തിന്റെ പണി പൂർത്തിയാവുകയാണ്. 13 കോടി 70 ലക്ഷം രൂപ ചിലവിലാണ് ഈ കെട്ടിടം നിർമിക്കുന്നത്.
Read Also: സംസ്‌ഥാനത്ത് എല്ലാവർക്കും വാക്‌സിൻ ഉറപ്പാക്കാൻ ‘വേവ്’; ആരോഗ്യമന്ത്രി
