ദുബായ്: 6 മാസക്കാലം നീണ്ടുനിന്ന ദുബായ് എക്‌സ്‌പോ 2020ൽ സന്ദർശനം നടത്തിയത് 2.41 കോടി ആളുകൾ. 178 രാജ്യങ്ങളിൽ നിന്നും 2,41,02,967 സന്ദർശകരാണ് എക്‌സ്‌പോയിൽ എത്തിയത്. എക്‌സ്‌പോയുടെ സംഘാടകരാണ് ഇക്കാര്യം വ്യക്‌തമാക്കിയത്‌.
ഇന്ത്യ, സൗദി, ജർമനി, ഫ്രാൻസ്, റഷ്യ, യുകെ, യുഎസ് എന്നീ രാജ്യങ്ങളിൽ നിന്നുള്ള സന്ദർശകരാണ് എക്‌സ്‌പോയിൽ ഏറ്റവും കൂടുതൽ എത്തിയത്. കൂടാതെ സന്ദർശനം നടത്തിയ മൂന്നിൽ ഒരാൾ വിദേശത്ത് നിന്നാണെന്നും സംഘാടകർ വ്യക്‌തമാക്കി. സീസൺ ഉപയോഗിച്ചാണ് 70 ശതമാനം സന്ദർശകരും എക്‌സ്‌പോയിൽ എത്തിയത്. ഏകദിന ടിക്കറ്റെടുത്ത് സന്ദർശനം നടത്തിയവർ 22 ശതമാനമാണ്.
അതേസമയം തന്നെ 8 ശതമാനം ആളുകൾ മൾട്ടി ഡേ പാസ് ഉപയോഗിക്കുകയും ചെയ്‌തിട്ടുണ്ട്‌. കൂടാതെ സന്ദർശനം നടത്തിയ ആളുകളിൽ 18 ശതമാനം പേർ 18 വയസിൽ താഴെയുള്ളവരാണ്. 60 വയസിന് മുകളിലുള്ള 3 ശതമാനം ആളുകളും എക്‌സ്‌പോയിൽ സന്ദർശനം നടത്തിയിട്ടുണ്ട്.
Read also: രണ്ടിലേറെ കുട്ടികളുള്ള സർക്കാർ ജീവനക്കാർക്ക് കാരണം കാണിക്കൽ നോട്ടീസ്
