ഡെല്‍ഹി: 2 ജി സ്‌പെക്‌ട്രം കേസ് പരിഗണിക്കുന്നത് നാളത്തേക്ക് മാറ്റിവെച്ച് ഡെല്‍ഹി ഹൈക്കോടതി. എ രാജ ഉള്‍പ്പടെയുള്ളവരെ കുറ്റവിമുക്‌തരാക്കിയ വിചാരണ കോടതി വിധി ചോദ്യം ചെയ്‌താണ് സിബിഐ ഡെല്‍ഹി ഹൈക്കോടതിയെ സമീപിച്ചത്.
കേസില്‍ ഇന്നുമുതല്‍ അന്തിമവാദം കേള്‍ക്കാനായിരുന്നു നേരത്തെ കോടതി തീരുമാനിച്ചിരുന്നത്. എന്നാല്‍ സിബിഐ നടപടിക്രമങ്ങള്‍ പാലിക്കാതെയാണ് ഡെല്‍ഹി ഹൈക്കോടതിയില്‍ ഹരജി നല്‍കിയതെന്ന് എ രാജയുടെ അഭിഭാഷകന്‍ വാദിച്ചു. വിചാരണ കോടതി വിധിക്കെതിരെ ഹൈക്കോടതിയെ സമീപിക്കുന്നതിന് മുമ്പ് അറ്റോര്‍ണി ജനറലിന്റെ അനുമതി വാങ്ങേണ്ടതാണ്. സിബിഐ അത് ചെയ്‌തിട്ടില്ല.
അതേസമയം കോടതിയുടെ സമയം പാഴാക്കാനാണ് പ്രതികള്‍ ശ്രമിക്കുന്നതെന്ന് സിബിഐ വാദിച്ചു.
Read Also: സ്‌കൂള്‍ തുറക്കാന്‍ കേന്ദ്രത്തിന്റെ പുതിയ മാര്‍ഗരേഖ
