പാലക്കാട്: നെല്ലിയാമ്പതി സന്ദര്ശനത്തിനെത്തിയ രണ്ടുപേരെ സീതാര്കുണ്ട് വ്യൂപോയിന്റില് നിന്ന് കൊക്കയിലേക്കു വീണു കാണാതായി. ഇന്നലെ വൈകിട്ടു അഞ്ചരയോടെയായിരുന്നു അപകടം. ഒറ്റപ്പാലം മേലൂര് സ്വദേശി സന്ദീപ് (22), കോട്ടായി സ്വദേശി രഘുനന്ദന് (22) എന്നിവരാണു കാല്വഴുതി വീണത്.
വ്യൂപോയിന്റ് സന്ദര്ശനത്തിതിനിടെ സന്ദീപിന്റെ കാല്വഴുതി. സന്ദീപിനെ രക്ഷിക്കാന് രഘുനന്ദന് ശ്രമിക്കുന്നനിടെ ഇരുവരും കൊക്കയിലേക്കു വീഴുക ആയിരുണെന്നാണ് പൊലീസിന്റെ നിഗമനം. ബെംഗളൂരുവില് ഐടി കമ്പനി ജീവനക്കാരാണ് ഇവര്. ഒപ്പം ജോലിചെയ്യുന്ന സുഹൃത്തുക്കളുമൊത്തു നാലുപേരടങ്ങുന്ന സംഘം രണ്ടു ബൈക്കുകളിലാണ് എത്തിയത്.
വിവരമറിഞ്ഞ് ആലത്തൂര് ഡിവൈഎസ്പി കെഎം ദേവസ്യയുടെ നേതൃത്വത്തിലുള്ള പൊലീസ് സംഘം സ്ഥലത്തെത്തി രാത്രി രക്ഷാപ്രവര്ത്തനം ആരംഭിച്ചു. സീതാര്കുണ്ടിനു താഴെ കൊല്ലങ്കോട് വനമേഖലയിലും ഫയര്ഫോഴ്സും പൊലീസും വനം വകുപ്പും അടങ്ങുന്ന സംഘം തിരച്ചില് നടത്തും. സമുദ്രനിരപ്പില് നിന്നു 1572 മീറ്റര് ഉയരത്തിലാണ് സീതാര്കുണ്ട്.
Malabar News: എസ്വൈഎസ് അല് മുജ്തബ ടാലന്റ് ഫോളോവേഴ്സ് ക്വിസ്; വിജയികളെ ആദരിച്ചു
