ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിനിടെ 8,309 പേർക്ക് കൂടി കോവിഡ് സ്ഥിരീകരിച്ചു. ഇതോടെ രാജ്യത്ത് ഇതുവരെ കോവിഡ് സ്ഥിരീകരിച്ച ആകെ ആളുകളുടെ എണ്ണം 3,45,80,832 ആയി ഉയർന്നു. അതേസമയം കഴിഞ്ഞ 24 മണിക്കൂറിനിടെ രാജ്യത്തിന്റെ വിവിധ ഭാഗങ്ങളിലായി 236 കോവിഡ് മരണവും റിപ്പോർട് ചെയ്തിട്ടുണ്ട്.
രാജ്യത്ത് ഇതുവരെ കോവിഡിനെ തുടർന്ന് മരിച്ച ആകെ ആളുകളുടെ എണ്ണം 4,68,790 ആണ്. കഴിഞ്ഞ 24 മണിക്കൂറിനിടെ 9,905 പേർ കൂടി കോവിഡ് മുക്തരായിട്ടുണ്ട്. ഇതോടെ രാജ്യത്തെ ആകെ കോവിഡ് മുക്തരുടെ എണ്ണം 3,40,08,183 ആയി കുറഞ്ഞു.
രാജ്യത്ത് നിലവിൽ കോവിഡ് ബാധിച്ച് ചികിൽസയിൽ കഴിയുന്നവരുടെ എണ്ണം 1,03,859 ആണ്. കഴിഞ്ഞ 544 ദിവസത്തെ കണക്കുകളിൽ ഏറ്റവും കുറഞ്ഞ കണക്കാണിത്. കൂടാതെ 98.34 ശതമാനമായി രാജ്യത്തെ കോവിഡ് മുക്തി ഉയർന്നിട്ടുണ്ട്.
Read also: പാർട്ടിക്കെത്തുന്ന പെൺകുട്ടികളെ ദുരുപയോഗം ചെയ്യുന്നത് പതിവ്; സൈജുവിനെതിരെ പോലീസ്