തിരുവനന്തപുരം: സംസ്ഥാനത്ത് രണ്ട് ജില്ലകളില് ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഇടുക്കി, എറണാകുളം ജില്ലകളിലാണ് അടുത്ത മൂന്ന് ദിവസങ്ങളില് കനത്ത മഴ ലഭിച്ചേക്കുമെന്ന് അറിയിച്ചിരിക്കുന്നത്. മുന്നറിയിപ്പിനെ തുടര്ന്ന് ഈ ജില്ലകളിൽ യെല്ലോ അലര്ട് പ്രഖ്യാപിച്ചു.
വ്യാഴാഴ്ച ഇടുക്കി ജില്ലയിലും, വ്യാഴം, വെള്ളി ദിവസങ്ങളിൽ ഇടുക്കി, എറണാകുളം ജില്ലകളിലുമാണ് യെല്ലോ അലര്ട് പ്രഖ്യാപിച്ചത്. ഇവിടങ്ങളിൽ ഒറ്റപ്പെട്ട ശക്തമായ മഴലഭിച്ചേക്കുമെന്ന് കാലാവസ്ഥാ വകുപ്പ് അറിയിച്ചു. മണിക്കൂറില് 64.5 മില്ലി മീറ്റര് മുതല് 115.5 മില്ലി മീറ്റര് മഴ ലഭിക്കുമെന്നും മുന്നറിയിപ്പുണ്ട്.
അതേസമയം കേരള – ലക്ഷദ്വീപ് – കര്ണാടക തീരങ്ങളില് മൽസ്യ ബന്ധനത്തിന് തടസമില്ല. എന്നാല്, വരും ദിവസങ്ങളില് തെക്ക്-പടിഞ്ഞാറന്, മധ്യ-പടിഞ്ഞാറന് അറബിക്കടലില് മണിക്കൂറില് 40 മുതല് 50 കിമീ വരെ ശക്തമായ കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചിട്ടുണ്ട്. ചില അവസരങ്ങളില് 60 കിമീ വരെ വേഗതയിൽ കാറ്റ് വീശാനും സാധ്യതയുണ്ട്.
Most Read: ഇ ബുൾജെറ്റ് സഹോദരൻമാരുടെ ജാമ്യം; പോലീസിന്റെ ഹരജി തള്ളി കോടതി
