ചണ്ഡീഗഢ്: പഞ്ചാബില് ആം ആദ്മി പാര്ട്ടി (എഎപി) ഏറ്റവും വലിയ ഒറ്റകക്ഷിയാകുമെന്ന് സര്വേ പ്രവചനം. എബിപിസി വോട്ടര് അഭിപ്രായ സര്വേയിലാണ് ഈ കാര്യം പറയുന്നത്. 2022ലാണ് പഞ്ചാബില് തിരഞ്ഞെടുപ്പ് നടക്കുന്നത്. നവംബര് ആദ്യമാണ് സര്വേ സംഘടിപ്പിച്ചത്. 2017നെ അപേക്ഷിച്ച് ആം ആദ്മി പാര്ട്ടി പഞ്ചാബില് വോട്ട് വിഹിതവും, സീറ്റുകളുടെ എണ്ണവും വര്ധിപ്പിക്കുമെന്നാണ് സര്വേ പറയുന്നത്.
47 മുതല് 53 വരെ സീറ്റാണ് ആംആദ്മി പാര്ട്ടിക്ക് വരുന്ന പഞ്ചാബ് തിരഞ്ഞെടുപ്പില് സര്വേ പ്രവചിക്കുന്നത്. 117 അംഗ സഭയാണ് പഞ്ചാബില് ഉള്ളത്. രണ്ടാമത് നിലവിലെ ഭരണകക്ഷിയായ കോണ്ഗ്രസ് എത്തുമെന്ന് സര്വേ പറയുന്നു, 42 മുതല് 50 സീറ്റുവരെയാണ് പ്രവചനം. മൂന്നാമത് ശിരോമണി അകാലിദളാണ്, ഇവര്ക്ക് 16 മുതല് 24 സീറ്റുവരെ പ്രവചിക്കപ്പെടുന്നു.
അതേസമയം സമീപകാലത്ത് ഏറ്റവും മോശം പ്രകടനമായിരിക്കും പഞ്ചാബില് ബിജെപിക്ക് സംഭവിക്കുക എന്നാണ് സര്വേ നല്കുന്ന സൂചന. പരമാവധി ഒരു സീറ്റ് വരെ ബിജെപിക്ക് ലഭിച്ചേക്കുമെന്നാണ് സര്വേ പറയുന്നത്. ശിരോമണി അകാലിദളുമായി പതിറ്റാണ്ടുകളായി ഉണ്ടായിരുന്ന സഖ്യം തകര്ന്നത് ബിജെപിക്ക് തിരിച്ചടിയാകുമെന്ന് സര്വേ വ്യക്തമാക്കുന്നു.
Read Also: മഴ കുറഞ്ഞു; ഇടുക്കി ഡാം ഉടൻ തുറക്കില്ലെന്ന് കെഎസ്ഇബി