പാലക്കാട്: ജില്ലയിലെ നാട്ടുകൽ അമ്പത്തിയഞ്ചാം മൈലിൽ കിണറ്റിൽ മരിച്ച നിലയിൽ കണ്ടെത്തിയ ചേലാക്കോടൻ മുഹമ്മദ് ആഷിഫിന്റെ മരണത്തിൽ ദുരൂഹത ആരോപിച്ച് കുടുംബം രംഗത്ത്. സംഭവത്തിൽ പോലീസ് അന്വേഷണം ആവശ്യപ്പെട്ട് ബന്ധുക്കളും നാട്ടുകാരും ജനപ്രധിനിതികളും ചേർന്ന് ആക്ഷൻ കൗൺസിൽ രുപീകരിച്ചു.
ഈ മാസം അഞ്ചിന് ആണ് ആഷിഫിനെ കാണാതായത്. തുടർന്ന് രണ്ട് ദിവസത്തെ വ്യാപകമായ തിരച്ചിലിനൊടുവിൽ ഏഴിന് വീടിന് സമീപത്തെ കിണറ്റിൽ മരിച്ച നിലയിൽ കണ്ടെത്തുകയായിരുന്നു. സുഹൃത്തുക്കളുമായോ വീട്ടുകാരുമായോ ആഷിഫിന് ഒരു പ്രശ്നവും നിലനിൽക്കുന്നില്ലെന്ന് പിതാവ് പറഞ്ഞു. മകന്റെ മരണത്തിൽ ദുരൂഹത ഉണ്ടെന്നും അത് പുറത്തുകൊണ്ടുവരണമെന്നും പിതാവ് ചേലാക്കോടൻ നാസർ, വാർഡ് അംഗം നാണിപ്പു എന്നിവർ ആവശ്യപ്പെട്ടു.
Most Read: നഗ്നചിത്രങ്ങളും വീഡിയോകളും പുറത്താകുമെന്ന് പേടിയുണ്ടോ? ഫേസ്ബുക്ക് സഹായിക്കും
