തിരുവനന്തപുരം: ഹോട്ടലില് നിന്ന് വാങ്ങിയ പൊറോട്ട പൊതിയില് പാമ്പിന്റെ തോല് കണ്ടെത്തി. തിരുവനന്തപുരം നെടുമങ്ങാട് ചന്തമുക്കില് പ്രവര്ത്തിച്ച് വരുന്ന ഷാലിമാര് ഹോട്ടലില് നിന്ന് വാങ്ങിയ ഭക്ഷണ പൊതിയിലാണ് പാമ്പിന്റെ തോല് കണ്ടത്തിയത്.
നെടുമങ്ങാട് പൂവത്തൂര് ചെല്ലാംകോട് സ്വദേശി പ്രസാദിന്റെ ഭാര്യ പ്രിയ വാങ്ങിയ പൊറോട്ട പൊതിയിലാണ് പാമ്പിന്റെ അവശിഷ്ടം കണ്ടെത്തിയത്. മകള് ഭക്ഷണം കുറച്ചു കഴിച്ച ശേഷമാണ് സംഭവം ശ്രദ്ധയിൽ പെട്ടതെന്നും തുടര്ന്ന് പോലീസ് സ്റ്റേഷനിലും നെടുമങ്ങാട് നഗരസഭയിലും വിവരം അറിയിച്ചുവെന്നും പ്രിയ പറഞ്ഞു.
പരാതിയുടെ അടിസ്ഥാനത്തിൽ നെടുമങ്ങാട് നഗരസഭ ആരോഗ്യ വിഭാഗവും ഫുഡ് ആന്റ് സേഫ്റ്റി വിഭാഗവും സ്ഥത്തെത്തി നടത്തിയ പരിശോധനയില് പാമ്പിന്റെ തോലാണെന്ന് കണ്ടെത്തുകയായിരുന്നു. പിന്നാലെ ഉദ്യോഗസ്ഥര് ഹോട്ടലില് പരിശോധന നടത്തുകയും ഹോട്ടല് അടപ്പിക്കുകയും ചെയ്തു. പാമ്പിന്റെ പുറം ഭാഗം പത്രക്കടലാസില് പറ്റിപിടിച്ചതാകാമെന്നാണ് അനുമാനം.
ഹോട്ടലിന് ഫുഡ് സേഫ്റ്റി ലൈസന്സും നഗരസഭയുടെ ലൈസന്സുമുണ്ടെന്ന് അധികൃതർ വ്യക്തമാക്കി. ഹോട്ടല് വൃത്തിയാക്കിയ ശേഷം നഗരസഭയുടെ അനുമതിയോടെ മാത്രമേ തുറന്ന് പ്രവര്ത്തിക്കാവൂ എന്ന് നിര്ദ്ദേശം നല്കിയിട്ടുണ്ട്.
Most Read: വ്ളോഗർ റിഫ മെഹ്നുവിന്റെ മരണം; പോസ്റ്റുമോർട്ടം ശനിയാഴ്ച
