തിരുവനന്തപുരം: ഡിസിസി അധ്യക്ഷസ്ഥാനം രാജിവെച്ച് എൻ. ശക്തൻ. രാജിക്കത്ത് കെപിസിസിക്ക് കൈമാറി. തിരുവനന്തപുരം ഡിസിസിയുടെ താൽക്കാലിക അധ്യക്ഷനായിരുന്നു അദ്ദേഹം. പാലോട് രവി രാജിവെച്ചതിന് പിന്നാലെയായിരുന്നു ശക്തന് ഡിസിസി അധ്യക്ഷ സ്ഥാനം ലഭിച്ചത്.
അതേസമയം, ശക്തന്റെ രാജിക്കത്ത് നേതൃത്വം സ്വീകരിച്ചിട്ടില്ലെന്നാണ് സൂചന. താൽക്കാലിക അധ്യക്ഷനായി തുടരാൻ താൽപര്യമില്ലെന്ന് ശക്തൻ നേതൃത്വത്തെ അറിയിച്ചുവെന്നാണ് വിവരം. സ്ഥിരം അധ്യക്ഷ സ്ഥാനം വാഗ്ദാനം ചെയ്താലും അദ്ദേഹം സ്വീകരിച്ചേക്കില്ല. തദ്ദേശ തിരഞ്ഞെടുപ്പ് പൂർത്തിയാകും വരെ ശക്തനോട് തുടരാൻ നേതൃത്വം ആവശ്യപ്പെട്ടേക്കുമെന്നാണ് വിവരം.
നിയമസഭയിലേക്ക് മൽസരിക്കാനുള്ള ഒരുക്കത്തിന്റെ ഭാഗമാണ് എൻ. ശക്തന്റെ രാജിയെന്നാണ് സൂചന. മൽസരിക്കാനുള്ള താൽപര്യം അദ്ദേഹത്തെ നേരത്തെ പ്രകടിപ്പിച്ചിരുന്നു. ശക്തനുമായി കെപിസിസി പ്രസിഡണ്ട് സണ്ണി ജോസഫ് ഇന്ന് കൂടിക്കാഴ്ച നടത്തുമെന്നാണ് വിവരം.
Most Read| കോഴിമുട്ടകളേക്കാൾ 160 ഇരട്ടി വലിപ്പം; ഭൂമിയിലെ ഏറ്റവും വലിയ പക്ഷിമുട്ട!
