മലപ്പുറം: ആക്രി പെറുക്കി വിറ്റും നാട്ടുകാരിൽ നിന്ന് സംഭാവന സ്വീകരിച്ചും സമാഹരിച്ച തുകകൊണ്ട് ആംബുലൻസ് വാങ്ങി ആൽപ്പറമ്പ് സിഎച്ച് സെന്റർ. യൂത്ത്‌ലീഗ് പ്രവർത്തകരാണ് ആംബുലൻസ് വാങ്ങുന്ന പദ്ധതിക്ക് നേതൃത്വം നൽകിയത്. വീടുകളിൽനിന്ന് ആക്രി ശേഖരിച്ച് വിറ്റ് കിട്ടിയ പണമാണ് പ്രധാനമായും ആംബുലൻസ് വാങ്ങാൻ ഉപയോഗിച്ചത്. കൂടാതെ ഉദാരമതികളിൽ നിന്ന് സംഭാവനയും സ്വീകരിച്ചു.
ആൽപ്പറമ്പ്, പള്ളിക്കൽ മേഖലയിലുള്ള ആവശ്യക്കാർക്ക് മിതമായ വാടകക്ക് ആംബുലൻസ് ലഭ്യമാക്കുകയാണ് ഇതിലൂടെ ലക്ഷ്യമിടുന്നത്. ആംബുലൻസ് സമർപ്പണച്ചടങ്ങ് പാണക്കാട് സയ്യിദ് സാദിഖലി ശിഹാബ് തങ്ങൾ ഉൽഘാടനം ചെയ്‌തു.
പികെ കുഞ്ഞാലിക്കുട്ടി എംഎൽഎ, പി അബ്‌ദുൽഹമീദ് എംഎൽഎ, മുനവറലി ശിഹാബ് തങ്ങൾ, പികെ ഫിറോസ്, ശരീഫ്, ഡോ. വിപി അബ്‌ദുൽഹമീദ്, കെപി മുസ്‌തഫ തങ്ങൾ, ഗുലാം ഹസ്സൻ ആലംഗീർ, സി അസീസ് എന്നിവർ ചടങ്ങിൽ പങ്കെടുത്തു.
Most Read: സർ, മാഡം വിളികൾ ഒഴിവാക്കി; വേറിട്ട നടപടിയുമായി മാത്തൂർ ഭരണ സമിതി
