പാലക്കാട്: സർ, മാഡം വിളികൾ ഒഴിവാക്കി കൊണ്ട് വേറിട്ട നടപടിയുമായി മാത്തൂർ ഭരണ സമിതി. പുതിയ തീരുമാനങ്ങൾ പ്രകാരം ഇനിമുതൽ മാത്തൂർ പഞ്ചായത്ത് ഓഫിസിലെ ജീവനക്കാരെയും ഭരണ സമിതി അംഗങ്ങളെയും സർ, മാഡം എന്ന് വിളിക്കുന്നത് ഒഴിവാക്കി.
പഞ്ചായത്തിലേക്കുള്ള അപേക്ഷകളിലും മറ്റ് കത്തിടപാടുകളിലും ഇത്തരം അഭിസംബോധനകൾ ഒഴിവാക്കണമെന്നും ഭരണ സമിതി തീരുമാനിച്ചു. ബ്രിട്ടീഷ് ഭരണകാലത്തെ പദപ്രയോഗങ്ങളാണ് ഇത്തരം അഭിസംബോധനകളെന്ന് ഭരണ സമിതി വിലയിരുത്തിയിരുന്നു.
ഇതിന്റെ അടിസ്‌ഥാനത്തിലാണ്‌ പുതിയ മാറ്റങ്ങൾ കൊണ്ടുവരാൻ അധികൃതർ തീരുമാനിച്ചത്. ഇത്തരം വിളികൾക്ക് പകരം ഔദ്യോഗിക സ്‌ഥാനങ്ങൾ തന്നെ അഭിസംബോധനയായി ഉപയോഗിക്കാമെന്നും ഭരണസമിതി അറിയിച്ചു.
Read Also: കോഴിക്കോട് മെഡിക്കൽ കോളേജിലെ ഓക്‌സിജൻ ക്ഷാമത്തിന് താൽക്കാലിക പരിഹാരം
