വൈദേകം നിക്ഷേപ ആരോപണം; വക്കീൽ നോട്ടീസയച്ച് ഇപി ജയരാജൻ
സിഎംആർഎൽ എംഡിയായിരുന്ന ശശിധരൻ കർത്തിയുടെ പണമാണ് ഇപി ജയരാജന്റെ ഭാര്യ പികെ. ഇന്ദിര വൈദേകത്തിൽ നിക്ഷേപിച്ചതെന്നായിരുന്നു ഇപിയുടെ സഹോദരിയുടെ മകൻ ശ്യാംജിത്തിന്റെ ആരോപണം
കണ്ണൂർ: വൈദേകം ആയുർവേദ റിസോർട്ടുമായി ബന്ധപ്പെട്ട നിക്ഷേപ ആരോപണത്തിൽ നഷ്‌ടപരിഹാരം ആവശ്യപ്പെട്ട് വക്കീൽ നോട്ടീസയച്ച് ഇപി ജയരാജൻ. സഹോദരിയുടെ മകൻ ഇപി ശ്യാംജിത്തിനും വാർത്ത പുറത്തുവിട്ട ചാനലിനുമാണ് വക്കീൽ നോട്ടീസ് അയച്ചത്. 50 ലക്ഷം രൂപ വീതം നഷ്‌ടപരിഹാരം നൽകണമെന്നാണ് ആവശ്യം.
ആരോപണം പിൻവലിച്ച് മാപ്പ് പറയണമെന്നും വക്കീൽ നോട്ടീസിൽ ആവശ്യപ്പെട്ടിട്ടുണ്ട്. സിഎംആർഎൽ എംഡിയായിരുന്ന ശശിധരൻ കർത്തിയുടെ പണമാണ് ഇപി ജയരാജന്റെ ഭാര്യ പികെ. ഇന്ദിര വൈദേകത്തിൽ നിക്ഷേപിച്ചതെന്നായിരുന്നു ഇപിയുടെ സഹോദരിയുടെ മകൻ ശ്യാംജിത്തിന്റെ ആരോപണം. സഹകരണ ബാങ്കിൽ നിന്ന് വിരമിച്ച ഒരാൾക്ക് എത്ര രൂപ ആനുകൂല്യം കിട്ടുമെന്നും ഇതാണോ പികെ. ഇന്ദിര വൈദേകത്തിൽ നിക്ഷേപിച്ചതെന്നും ആയിരുന്നു ചോദ്യം.
ശ്യാംജിത്തിന്റെ ആരോപണങ്ങൾ പൂർണമായും നിഷേധിക്കുകയാണ് വൈദേകം മാനേജ്മെന്റ്. സാമ്പത്തിക തട്ടിപ്പ് നടത്തിയതിന് ശ്യാംജിത്തിന്റെ ഭാര്യ ദീപയെ വൈദേകത്തിൽ നിന്ന് പുറത്താക്കിയിരുന്നു. പോലീസിൽ പരാതിയും നൽകിയിരുന്നു. ഇതിന്റെ പ്രതികാരമാകാം ആരോപണത്തിന് പിന്നിലെന്നാണ് വൈദേകം മാനേജ്‌മെന്റിന്റെ വിശദീകരണം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
