തിരുവനന്തപുരം: പൂജ-നബിദിന അവധികള്‍ക്ക് ശേഷം ഇന്ന് നിയമസഭാ സമ്മേളനം പുനഃരാരംഭിക്കും. മഴക്കെടുതി കണക്കിലെടുത്ത് സഭാ സമ്മേളനത്തിന്റെ കാര്യപരിപാടി പുനഃക്രമീകരിക്കും. പ്രളയബാധിത പ്രദേശങ്ങളിലെ എംഎല്‍എമാര്‍ ദുരിതാശ്വാസ പ്രവര്‍ത്തനങ്ങളിലാണ്. അതിനാല്‍ അവരൊഴികെ സഭ ചേരുന്നതിന് ക്വാറം തികയാന്‍ ആവശ്യമായ എംഎല്‍എമാരെ മാത്രം പങ്കെടുപ്പിച്ച് സഭ ചേരാനാണ് മന്ത്രിസഭാ തീരുമാനം.
ഇതിന് ശേഷം കാര്യോപദേശക സമിതി ചേര്‍ന്ന് സമ്മേളന ദിവസങ്ങള്‍ പുനഃക്രമീകരിക്കുന്നതില്‍ തീരുമാനം എടുക്കും. കേരളം ശക്‌തമായ പ്രളയക്കെടുതികള്‍ നേരിടുന്ന സാഹചര്യത്തില്‍ നിയമസഭാ സമ്മേളനത്തിന്റെ കാര്യപരിപാടികളില്‍ മാറ്റം വരുത്താന്‍ ആലോചിക്കുന്നത്. നിലവിലെ സാഹചര്യം കണക്കിലെടുത്ത് വെള്ളി, ശനി ദിവസങ്ങളിലെ സമ്മേളനം ഒഴിവാക്കാനും സാധ്യതയുണ്ട്.
Read Also: ഇന്ധന വില; ഇന്ന് കൂടിയത് പെട്രോളിന് 35 പൈസ, ഡീസലിന് 37 പൈസ
