ന്യൂഡല്ഹി : സോണിയാ ഗാന്ധിക്ക് കത്തയച്ച സംഭവത്തില് ശശി തരൂരിനെതിരെ ആരോപണം.തരൂരിന്റെ വീട്ടില് ചേര്ന്ന വിരുന്നിനിടയിലാണ് കത്ത് തയാറാക്കിയതെന്നാണ് കോണ്ഗ്രസിലെ തന്നെ മറ്റൊരു വിഭാഗം ആരോപിക്കുന്നത്.തരൂരിനെതിരെ നടപടിയെടുക്കണമെന്നും നേതാക്കള് ആവശ്യപ്പെട്ടു.
കോണ്ഗ്രസിന്റെ മേല്ഘടകം മുതല് താഴെത്തട്ട് വരെ സമഗ്രമായ മാറ്റങ്ങള് ആവശ്യപെട്ട് 103 കോണ്ഗ്രസ് നേതാക്കളാണ് പാര്ട്ടി ഇടക്കാല അധ്യക്ഷ സോണിയ ഗാന്ധിക്ക് കത്തയച്ചത്. 5 മുന് മുഖ്യമന്ത്രിമാര്, കോണ്ഗ്രസ് പ്രവര്ത്തനസമിതി അംഗങ്ങള്, സിറ്റിംഗ് എം.പിമാര്, മുന് കേന്ദ്രമന്ത്രിമാര് അടക്കമുള്ളവര് കത്തയച്ചവരില് ഉള്പ്പെടുന്നു. കഴിഞ്ഞ ദിവസം തരൂരിന്റെ വീട്ടില് കോണ്ഗ്രസ് നേതാക്കള് വിരുന്നിനായ് ഒത്തുകൂടിയിരുന്നു. ഇതിനിടയിലാണ് കത്തില് ഒപ്പുവെച്ചതെന്നാണ് ആരോപണം.വിരുന്നില് പങ്കെടുത്ത ഒരു വിഭാഗം ഒപ്പുവെക്കാന് തയാറായിരുന്നില്ല.ഗാന്ധികുടുംബത്തിനെതിരെയുള്ള ഗൂഢാലോചനയായിട്ടാണ് നീക്കത്തെ കാണുന്നതെന്ന് രാഹുല് ബ്രിഗേഡ് ആരോപിച്ചു.