ന്യൂഡെൽഹി : രാജ്യത്ത് കോവിഡ് വ്യാപനം ക്രമാതീതമായി ഉയരുന്ന സാഹചര്യത്തിൽ ഈ വർഷത്തെ അമർനാഥ് തീർഥയാത്രക്കുള്ള രജിസ്ട്രേഷൻ നിർത്തിവച്ചു. രോഗികളുടെ എണ്ണത്തിൽ പ്രതിദിനം ഉണ്ടാകുന്ന ഉയർച്ച കണക്കിലെടുത്താണ് ഇപ്പോൾ തീരുമാനം എടുത്തിരിക്കുന്നത്. രോഗവ്യാപന സ്ഥിതിഗതികൾ വിലയിരുത്തിയ ശേഷം തുടർ നടപടികൾ സ്വീകരിക്കുമെന്നും അധികൃതർ അറിയിച്ചു.
ഇത്തവണ അമർനാഥ് തീർഥയാത്ര ചെയ്യാൻ രജിസ്റ്റർ ചെയ്തവർക്ക് ആരോഗ്യ സർട്ടിഫിക്കറ്റ് നിർബന്ധമാണ്. കൂടാതെ 13 വയസിൽ താഴെ ഉള്ളവർക്കും, 75 വയസിന് മുകളിൽ ഉള്ളവർക്കും ഇത്തവണ തീർഥാടനത്തിന് അവസരം നൽകില്ല. ജൂൺ 28ആം തീയതി മുതലാണ് യാത്ര ആരംഭിക്കുന്നത്.
Read also : ബംഗാളിൽ റോഡ് ഷോയും പദയാത്രകളും നിരോധിച്ച് ഇലക്ഷൻ കമ്മീഷൻ