കുഞ്ഞുങ്ങൾക്ക് എപ്പോഴും ഓരോരോ കളികളിൽ ഏർപ്പെടാനാണ് ഇഷ്‌ടം.. അത് ഇനി മനുഷ്യരുടേത് ആയാലും മൃഗങ്ങളുടേത് ആയാലും സ്‌ഥിതി വ്യത്യസ്‌തമല്ല. പ്രത്യേകിച്ച് ആനക്കുട്ടികളുടെ കുസൃതികൾ എപ്പോഴും ഏറെ രസകരവും അൽഭുതം തോന്നുന്നതുമാണ്.
ഒരു മൃഗശാലയിൽ നിന്നുള്ള ആനക്കുട്ടിയുടെ രസകരമായ വീഡിയോ ഇപ്പോൾ സോഷ്യൽ മീഡിയയിൽ വൈറലായിട്ടുണ്ട്. ഐഎഫ്എസ് ഉദ്യോഗസ്‌ഥനായ സുശാന്ത നന്ദയാണ് വീഡിയോ ട്വിറ്ററിൽ പങ്കുവച്ചിരിക്കുന്നത്. ആനയെയും ആനക്കുട്ടിയെയും പാർപ്പിച്ച ഇടം വൃത്തിയാക്കാൻ എത്തിയ ജീവനക്കാരനുമായി കളിക്കുകയാണ് ആനക്കുട്ടി.
ആനപ്പിണ്ടം നീക്കി വൃത്തിയാക്കുന്നതിനിടെ ആനക്കുട്ടി ഓടിവന്ന് മസ്‌തകം കൊണ്ട് ജീവനക്കാരനെ ഇടിച്ചു കളിക്കുന്നതാണ് വീഡിയോയിൽ ഉള്ളത്. ജീവനക്കാരൻ അതിനെ ചെറു പുഞ്ചിരിയോടെ ആസ്വദിക്കുന്നുമുണ്ട്. എന്നാൽ കുട്ടിക്കുറുമ്പന്റെ കുറുമ്പൊന്നും ശ്രദ്ധിക്കാതെ ഒരു വശത്ത് ഒതുങ്ങി നിൽക്കുകയാണ് ആന.
This cutie just wants to play?
From Interesting channel pic.twitter.com/fxdk8ieYdR— Susanta Nanda IFS (@susantananda3) February 6, 2022
Most Read: ഒപ്പം നിന്ന നാട്ടുകാരെ മറന്നില്ല; സ്വന്തം നാട്ടിൽ സൗജന്യ ചികിൽസ ഒരുക്കി യുവഡോക്‌ടർ
