കോഴിക്കോട്: കേരളത്തിലെ രാഷ്ട്രീയ സാഹചര്യം യുഡിഎഫിന് അനുകൂലമാണെന്ന് എഐസിസി ജനറൽ സെക്രട്ടറി താരിഖ് അൻവർ അഭിപ്രായപ്പെട്ടു. യുഡിഎഫ് അധികാരത്തിൽ എത്തിയാലേ കേരളത്തിൽ സാമ്പത്തിക വികസനവും വ്യാവസായിക വികസനവും ഉണ്ടാവൂ എന്നും അദ്ദേഹം പറഞ്ഞു.
കഴിഞ്ഞ അഞ്ച് വർഷം കേരളത്തിൽ നടന്നത് അഴിമതി ഭരണമാണ്. മുഖ്യമന്ത്രിയുടെ ഓഫീസ് പോലും സ്വർണക്കടത്തിൽ ആരോപണം നേരിടുന്നു. ഇരട്ട വോട്ടിന് പിന്നിൽ സിപിഎം ആണ്. വോട്ടർ പട്ടികയിൽ അവർ കൃത്രിമം കാട്ടി.
ശബരിമല വിഷയത്തിൽ ജനവികാരത്തോടൊപ്പമാണ് കോൺഗ്രസെന്നും അദ്ദേഹം പറഞ്ഞു. സർക്കാർ സത്യവാങ്മൂലം മാറ്റാൻ തയാറാവണം. വോട്ട് നേടാൻ ബിജെപി വർഗീയ ധ്രുവീകരണത്തിന് ശ്രമിക്കുന്നു. തലശേരിയിൽ ബിജെപിയുടെ വോട്ട് കോൺഗ്രസിന് വേണ്ട എന്നും താരിഖ് അൻവർ അഭിപ്രായപ്പെട്ടു.
National News: പശുക്കടത്ത് ആരോപിച്ച് കർണാടകയിൽ യുവാക്കള്ക്ക് മര്ദ്ദനം; അക്രമി സംഘം അറസ്റ്റിൽ