തൃശൂർ: കുന്നംകുളത്ത് യുഡിഎഫ് സ്‌ഥാനാർഥി കെ ജയശങ്കറിന്റെ വീടിന് നേരെയുണ്ടായ ആക്രമണം കോൺഗ്രസ് നാടകമെന്ന ആരോപണവുമായി എൽഡിഎഫ് സ്‌ഥാനാർഥി എസി മൊയ്‌ദീൻ രംഗത്ത്. ഇന്നലെ രാത്രി റോഡ് ഷോക്കിടെ ഉണ്ടായ സിപിഎം-കോൺഗ്രസ് സംഘർഷത്തിന്റെ തുടർച്ചയായാണ് ആക്രമണം എന്നാണ് റിപ്പോർട്.
കെ ജയശങ്കറിന്റെ വീടിന് മുന്നിൽ അക്രമി സംഘം റീത്തും വെച്ചിരുന്നു. എന്നാൽ റീത്ത് വക്കൽ, ചാപ്പ കുത്തൽ എന്നിവ കോൺഗ്രസിലെ പഴയ പണിയാണെന്ന് പറഞ്ഞ മൊയ്‌ദീൻ ആക്രമണം കോൺഗ്രസ് നാടകമാണെന്നും ആരോപിച്ചു.
മാത്രവുമല്ല കോൺഗ്രസിന്റെ ചെയ്‌തികൾ ജനങ്ങൾ ഇതു തിരിച്ചറിയുംമെന്നും താൻ മികച്ച വിജയം നേടുമെന്നും മൊയ്‌ദീൻ പറഞ്ഞു.
യുഡിഎഫ് സ്‌ഥാനാർഥി കെ ജയശങ്കറിന്റെ വീടിന് നേരെ ഇന്നാണ് ആക്രമണമുണ്ടായത്. കല്ലേറിൽ വീടിന്റെ ജനൽ ചില്ലുകളും വീടിന് മുന്നില്‍ നിറുത്തിയിട്ടിരിക്കുന്ന കാറിന്റെ ചില്ലുകളും തകർന്നിട്ടുണ്ട്.
Read Also: വനിതകൾക്ക് സീറ്റ് നൽകുന്നതിൽ കോൺഗ്രസ് പരാജയം; ലതിക സുഭാഷ്
