മെല്ബണ്: ജലദോഷത്തിനും പനിക്കുമെതിരെ വികസിപ്പിച്ച പ്രതിരോധ നേസല് സ്പ്രേ കൊറോണാ വൈറസിന്റെ അളവ് കുറച്ചെന്ന് ഓസ്ട്രേലിയന് ബയോടെക് കമ്പനിയായ ഇന റെസ്പിറേറ്ററി. നേസല് സ്പ്രേയുടെ ഉപയോഗം മൂലം കൊറോണ വൈറസിന്റെ വളര്ച്ച 95 ശതമാനത്തോളം നിയന്ത്രിച്ചു എന്നാണ് കമ്പനിയുടെ വാദം. മൃഗങ്ങളില് നടത്തിയ പരീക്ഷണങ്ങളിലാണ് ഈ ഫലം കണ്ടെത്തിയത്.
ഇന്ന-051 എന്ന നേസല് സ്പ്രേ കീരി വര്ഗത്തില് പെട്ട ജീവികളിലാണ് പരീക്ഷിച്ചത്. വാക്സിനുകള്ക്ക് പകരമായി ഈ നേസല് മരുന്ന് ഉപയോഗിക്കാമെന്ന് കമ്പനി പറയുന്നു. ഇത് കൊറോണ വൈറസിന്റെ അളവ് 96 ശതമാനം കുറച്ചതായി കണ്ടെത്തി എന്നും കമ്പനി വാദിക്കുന്നു. നേസല് സ്പ്രേയുമായി ബന്ധപ്പെട്ട പഠനത്തിന് ബ്രിട്ടീഷ് സര്ക്കാര് ഏജന്സിയായ പബ്ലിക് ഹെല്ത്ത് ഇംഗ്ലണ്ടാണ് നേതൃത്വം നല്കിയത്. വിശദമായ പഠനത്തിന് ശേഷം അനുമതി ലഭിക്കുകയാണെങ്കില് ഇന്ന-051 മനുഷ്യരില് പരീക്ഷിക്കാന് തയാറാണെന്നും കമ്പനി അറിയിച്ചു.
8.2 മില്യണ് ഡോളര് നിക്ഷേപമാണ് നേസല് സ്പ്രേയുടെ ഉല്പാദനം വര്ധിപ്പിക്കാനായി കമ്പനി കരുതി വെച്ചിരിക്കുന്നത്.