കൊച്ചി: കോവിഡ് 19 വ്യാപനത്തെ തുടർന്നുണ്ടായ പ്രതിസന്ധിയിൽ നിന്ന് വാഹന നിർമ്മാണ മേഖല ഉണർവിലേക്കെന്ന് റിപ്പോർട്ട്. ജൂലൈ മാസത്തെ അപേക്ഷിച്ച് ഓഗസ്റ്റിൽ വിൽപനയിൽ വർദ്ധന രേഖപ്പെടുത്തി. 19 ശതമാനം വർദ്ധനയാണ് ഓഗസ്റ്റിൽ വാഹന നിർമ്മാതാക്കൾ രേഖപ്പെടുത്തിയത്.
മാരുതി സുസുക്കി, ടാറ്റ, റെനോ, കിയ എന്നിവ കഴിഞ്ഞ വർഷത്തേക്കാൾ വിപണി വിഹിതം ഉയർത്തി. 154 ശതമാനം വളർച്ചയോടെ ടാറ്റയാണ് ഒന്നാം സ്ഥാനത്ത്. 73.9 ശതമാനം വളർച്ചയോടെ കിയ ആണ് രണ്ടാം സ്ഥാനത്ത്. 2019 ഓഗസ്റ്റിനെ അപേക്ഷിച്ച് മാരുതി സുസുക്കി ഈ ഓഗസ്റ്റിൽ 21 ശതമാനം അധിക വിൽപന നടത്തി. ഹ്യൂണ്ടായിക്ക് 20 ശതമാനം വളർച്ചയാണ് ഉണ്ടായത്. മൊത്തം വിൽപന 2.3ലക്ഷം യൂണിറ്റുകളായി ഉയരും എന്നാണ് കണക്കാക്കുന്നത്.
