ആനക്കര: ഗുഡ്സ് ഓട്ടോയും പാസഞ്ചർ ഓട്ടോയും കൂട്ടിയിടിച്ച് രണ്ടുമരണം. പാലക്കാട് ആനക്കര ചേക്കോട് കോറാത്ത് മുഹമ്മദ് (50), മലപ്പുറം ആതവനാട് പാറ വെട്ടിക്കാട്ട് വീട്ടിൽ സൈഫുദ്ദീൻ (21) എന്നിവരാണ് മരിച്ചത്.
ഞായറാഴ്ച രാത്രി 7.30ഓടെ ആനക്കര സ്കൈ ലാബിലായിരുന്നു അപകടം. ഗുരുതര പരിക്കുകളേറ്റ ഇരുവരെയും ഉടൻ തന്നെ എടപ്പാളിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. പാസഞ്ചർ ഓട്ടോ ഡ്രൈവർ ആനക്കര മേപ്പാടം കൊള്ളാട്ട് വളപ്പിൽ മുനീർ (35), ഗുഡ്സ് ഓട്ടോ ഡ്രൈവർ ആതവനാട് പാറ അജ്മൽ ഹുസൈൻ (20) എന്നിവർക്ക് അപകടത്തിൽ പരിക്കേറ്റു.
കാറ്ററിങ് സർവീസ് നടത്തി പടിഞ്ഞാറങ്ങാടി ഭാഗത്ത് നിന്നും ആതവനാട് ഭാഗത്തേക്ക് പോകുകയായിരുന്ന ഗുഡ്സ് ഓട്ടോയും അനക്കരയിൽ നിന്ന് ചേക്കോട് ഭാഗത്തേക്ക് പോകുന്ന ഓട്ടോയുമാണ് അപകടത്തിൽ പെട്ടത്.
Read also: കോവിഡ് വാക്സിനേഷന്; രാജ്യത്ത് നാല് സംസ്ഥാനങ്ങളില് ഇന്ന് ഡ്രൈ റണ്