കടകളില് എപ്പോഴും സുലഭമായി കിട്ടുന്ന ഒരു പഴമാണ് ഓറഞ്ച്. അതുകൊണ്ട് തന്നെ ഓറഞ്ചിന് നമ്മള് അധികം പ്രാധാന്യം കൊടുക്കാറില്ല. എന്നാല് ആപ്പിളിനെ പോലെ തന്നെ ഏറെ ഗുണങ്ങള് ഓറഞ്ചിനുമുണ്ട്. നാവിനു രുചിയും ശരീരത്തിന് ആരോഗ്യവും ഓറഞ്ച് ഒരേപോലെ നല്കുന്നു.
പഴങ്ങളുടെ കൂട്ടത്തില് കാല്സ്യത്തിന്റെ ഏറ്റവും മികച്ച ശേഖരമാണ് ഓറഞ്ചിലുള്ളത്. 100 ഗ്രാം ഓറഞ്ചില് 26 മില്ലി ഗ്രാം കാല്സ്യം അടങ്ങിയിരിക്കുന്നു. സോഡിയം, മഗ്നീഷ്യം, കോപ്പര്, സള്ഫര്, ക്ളോറിൻ, ഫോസ്ഫറസ് എന്നിവയും ജീവകം എ, ബി, സി മുതലായവയും ഓറഞ്ചില് നല്ല തോതിലുണ്ട്.
വിറ്റാമിന് സി യുടെ കലവറയാണ് ഓറഞ്ച്. പ്രതിരോധശേഷി കൂട്ടി ശരീരത്തെ രോഗങ്ങളില് നിന്ന് സംരക്ഷിക്കാന് ഈ വിറ്റാമിന് വളരെ അത്യാവശ്യമാണ്. പ്രായമേറുന്നതിന് അനുസരിച്ച് ചര്മ്മത്തിന് പല മാറ്റങ്ങളും സംഭവിക്കാം. ഓറഞ്ചില് അടങ്ങിയിരിക്കുന്ന ആന്റി ഓക്സിഡന്സും വിറ്റാമിന് സി യും ഇത്തരം മാറ്റങ്ങളെ ഒരു പരിധിവരെ തടയുകയും അങ്ങനെ ചര്മത്തില് പ്രായം തോന്നിക്കാതെ ചെറുപ്പമായിരിക്കാനും ഓറഞ്ച് സഹായിക്കുന്നു.
Also Read: തലകൊണ്ട് ഒരു മിനിറ്റില് തുറന്നത് 68 ബോട്ടിലുകള്; റെക്കോര്ഡ് നേടി യുവാവ്
ഓറഞ്ചില് അടങ്ങിയിരിക്കുന്ന വിറ്റാമിന് സി, എ, പൊട്ടാസിയും എന്നിവ കണ്ണിനും കാഴ്ചക്കും വളരെ ആവശ്യമാണ്. ഓറഞ്ചില് അടങ്ങിയിരിക്കുന്ന നാരുകള് വയറിന്റെ ആരോഗ്യത്തിനും അവിഭാജ്യ ഘടകമാണ്. ഇവ വയറിനുള്ളിലെ അള്സറിനെയും മലബന്ധത്തെയും തടയും. ജലദോഷം, ക്ഷയം, ആസ്മ, ബ്രോങ്കൈറ്റിസ് എന്നിവ ബാധിച്ചവര് ഓറഞ്ച് ജ്യുസില് ഒരു നുള്ള് ഉപ്പും ഒരു സ്പൂൺ തേനും കലര്ത്തി സേവിച്ചാല് കഫം പുറന്തള്ളാനും രോഗശമനശേഷി കൂട്ടാനും സഹായിക്കും.
ഓറഞ്ച് ജ്യൂസ് ശീലമാക്കിയാല് ദന്തക്ഷയം, ദന്തം ദ്രവിക്കുന്ന അവസ്ഥ എന്നിവ മാറുമെന്ന് പഠനം തെളിയിച്ചിട്ടുണ്ട്. ഓറഞ്ചിലെ കാല്സ്യവും വിറ്റമിന് സി യും എല്ലുകളുടെയും പല്ലുകളുടെയും ആരോഗ്യം മെച്ചപ്പെടുത്തുകയും ചെയ്യും.