ന്യൂഡെല്‍ഹി : ബോളിവുഡ് താരങ്ങളായ വരുണ്‍ ധവാനും, നീതു കപൂറിനും കോവിഡ് സ്‌ഥിരീകരിച്ചു. ഇരുവരും പ്രധാന കഥാപാത്രങ്ങളെ അവതരിപ്പിക്കുന്ന ‘ജഗ് ജഗ് ജിയോ’ എന്ന ചിത്രത്തിന്റെ ലൊക്കേഷനില്‍ വച്ചാണ് ഇരുവര്‍ക്കും കോവിഡ് സ്‌ഥിരീകരിച്ചത്. ഇതിനെ തുടര്‍ന്ന് ചിത്രത്തിന്റെ ഷൂട്ടിങ് നിര്‍ത്തിവച്ചു. അതേസമയം ഇതേ ചിത്രത്തില്‍ അഭിനയിക്കുന്ന അനില്‍ കപൂറിനും, കിയാരാ അദ്വാനിക്കും കോവിഡ് പരിശോധനയില്‍ നെഗറ്റീവ് ആണ്.
രാജ് മെഹ്ത സംവിധാനം ചെയ്യുന്ന ഏറ്റവും പുതിയ ചിത്രമാണ് ജഗ് ജഗ് ജിയോ. കഴിഞ്ഞ മാസമാണ് ചിത്രത്തിന്റെ ഷൂട്ടിംഗ് ആരംഭിച്ചത്. നീണ്ട ഇടവേളക്ക് ശേഷം നീതു കപൂര്‍ സിനിമാ രംഗത്തേക്ക് മടങ്ങി വരുന്ന ചിത്രം കൂടിയാണ് ജഗ് ജഗ് ജിയോ. കൂടാതെ യൂട്യൂബറായ പ്രജക്‌ത കോലിയും ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നുണ്ട്.
താരങ്ങള്‍ക്ക് കോവിഡ് സ്‌ഥിരീകരിച്ചതിനെ തുടര്‍ന്ന് ചിത്രത്തിന്റെ ഷൂട്ടിംഗ് നിര്‍ത്തി വച്ചു. പ്രധാന കഥാപാത്രങ്ങളെ അവതരിപ്പിക്കുന്ന താരങ്ങള്‍ ആയതിനാല്‍ തന്നെ അവരുടെ അസാന്നിധ്യത്തില്‍ ഷൂട്ടിംഗ് തുടരാനും സാധിക്കില്ല. അതിനാല്‍ താരങ്ങള്‍ കോവിഡ് മുക്‌തരാകുന്ന വരെ ചിത്രീകരണം പുനഃരാരംഭിക്കില്ലെന്ന് അണിയറ പ്രവര്‍ത്തകര്‍ വ്യക്‌തമാക്കി.
Read also : പുതിയ ത്രില്ലറുമായി ‘അഞ്ചാം പാതിര’ ടീം വീണ്ടും ഒന്നിക്കുന്നു
