ശ്രീനഗർ: ജമ്മു കശ്‌മീരിൽ തീർഥാടകർ സഞ്ചരിച്ച ബസിന് തീപിടിച്ചു. ബസിലുണ്ടായിരുന്ന തീർഥാടകാരിൽ 4 പേർ മരിക്കുകയും, 20ഓളം പേർക്ക് പരിക്കേൽക്കുകയും ചെയ്‌തിട്ടുണ്ട്‌. ജമ്മു കശ്‌മീരിലെ കത്രയിലാണ് സംഭവം.
കത്രയിൽ നിന്നും ജമ്മുവിലേക്ക് പോകുകയായിരുന്ന ബസ് ഖർമാലിൽ വച്ചാണ് തീപിടിച്ചത്. എൻജിനിൽ നിന്നും തീ പടർന്നതാണെന്നാണ് നിലവിലെ നിഗമനം. അപകടത്തിന് പിന്നാലെ 2 പേർ സംഭവ സ്‌ഥലത്ത് വച്ച് തന്നെ മരണപ്പെട്ടു. തുടർന്ന് പരിക്കേറ്റ ആളുകളെ കത്രയിലെ വിവിധ ആശുപത്രികളിൽ പ്രവേശിപ്പിക്കുകയും ചെയ്‌തു.
അപകടത്തിൽ പരിക്കേറ്റ ആളുകൾക്ക് സാധ്യമായ മികച്ച ചികിൽസ നൽകാൻ ജില്ലാ ഭരണകൂടത്തിന് നിർദ്ദേശം നൽകിയതായി ജമ്മു കശ്‌മീർ ലഫ്. ഗവർണർ മനോജ് സിൻഹ അറിയിച്ചു. കൂടാതെ അപകടത്തിൽ പെട്ടവർക്ക് എല്ലാ സഹായങ്ങളും വാഗ്‌ദാനം ചെയ്‌തതായി കേന്ദ്രമന്ത്രി ജിതേന്ദ്ര സിങ്ങും വ്യക്‌തമാക്കിയിട്ടുണ്ട്‌.
Read also: ബിജെപി നേതാവിന്റെ വീട് കയ്യേറ്റ ഭൂമിയിൽ; ബുള്‍ഡോസറുമായി എത്തുമെന്ന് എഎപി
