കേന്ദ്രം കർഷകരെ ശത്രുക്കളായി കാണുന്നു; അഖിലേഷ് യാദവ്

By Trainee Reporter, Malabar News
Akhilesh Yadav_Malabar news
Ajwa Travels

ന്യൂഡെൽഹി:കാർഷിക നിയമങ്ങളിൽ കേന്ദ്ര സർക്കാരിനെതിരെ രൂക്ഷ വിമർശനവുമായി സമാജ്‌വാദി പാർട്ടി പ്രസിഡണ്ട് അഖിലേഷ് യാദവ്. അധികാരത്തിന്റെ ഗർവ് സർക്കാരിനെ അന്ധരും ബധിരരുമാക്കിയെന്ന് അഖിലേഷ് യാദവ് കുറ്റപ്പെടുത്തി. കർഷകരെ സർക്കാർ ശത്രുക്കളായാണ് കാണുന്നതെന്നും ഇത്തരം ധാർഷ്‌ട്യം നിറഞ്ഞ നിയമങ്ങളെ ബഹിഷ്‌കരിക്കാൻ കർഷകർക്ക് കരുത്തുണ്ടെന്നും അദ്ദേഹം പറഞ്ഞു. ഉത്തർപ്രദേശിൽ സംഘടിപ്പിച്ച കർഷക മഹാപഞ്ചായത്തിൽ സംസാരിക്കുകയായിരുന്നു അദ്ദേഹം.

സമരത്തിനിടെ 200ൽ അധികം കർഷകർക്ക് ജീവൻ നഷ്‌ടമായി. എന്നാൽ മോദി സർക്കാർ ഇപ്പോഴും അവരെ ശത്രുക്കളായാണ് കാണുന്നത്. അതിർത്തിയിൽ അവരെ തടയുകയും ചെയ്യുന്നു. ധാർഷ്‌ട്യം നിറഞ്ഞ ഇത്തരം നിയമങ്ങളെ ബഹിഷ്‌കരിക്കാൻ കർഷകർക്ക് ശക്‌തിയുണ്ടെന്ന കാര്യം സർക്കാർ മറക്കരുതെന്നും അഖിലേഷ് യാദവ് പറഞ്ഞു.

ഈസ്‌റ്റ് ഇന്ത്യ കമ്പനിക്ക് അധികാരം നൽകിയ ബ്രിട്ടീഷ് പാർലമെന്റിന്റെ കാര്യം സർക്കാർ മനസിലാക്കണം. ചരിത്രം ആവർത്തിക്കുകയാണ്. ഒരുകൂട്ടം കോർപറേറ്റുകൾക്ക് സർക്കാർ അധികാരം കൈമാറുകയാണ്, അഖിലേഷ് യാദവ് പറഞ്ഞു.

അതേസമയം, ഡെൽഹിലെ കർഷകസമരം നൂറാം ദിവസത്തിലേക്ക് കടക്കുകയാണ്. കർഷകരുടെ ആവശ്യങ്ങൾ അംഗീകരിക്കാൻ കേന്ദ്രം ഇതുവരെയും തയാറായിട്ടില്ല. എന്നാൽ നിയമങ്ങൾ പിൻവലിക്കുംവരെ സമരം തുടരാനാണ് കർഷക സംഘടനകളുടെ തീരുമാനം.

Read also: കേരളത്തിലും അസമിലും പ്രചാരണം ശക്‌തമാക്കാൻ ഒരുങ്ങി കോൺഗ്രസ്‌

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE