തിരുവനന്തപുരം: സംസ്‌ഥാനത്ത്‌ കോവിഡ് വ്യാപനം കുറയുന്നുണ്ടെങ്കിലും ആശ്വസിക്കാൻ ആയിട്ടില്ലെന്ന് മുഖ്യമന്ത്രി പിണറായി വിജയൻ. ദിനംപ്രതി കോവിഡ് രോഗമുക്‌തി നേടുന്നവരുടെ എണ്ണം പുതിയ രോഗികളുടെ എണ്ണത്തേക്കാൾ കൂടുതലാകുന്നത് ആശ്വാസം നൽകുന്ന കാര്യമാണ്. നിയന്ത്രണങ്ങളോട് പൊതുജനം ക്രിയാത്‌മകമായി പ്രതികരിച്ചതിന്റെ ഫലമാണ് രോഗവ്യാപനത്തിൽ കാണുന്ന കുറവെന്നും മുഖ്യമന്ത്രി പറഞ്ഞു.
ആശുപത്രികളിൽ ചികിൽസയിൽ കഴിയുന്നവരുടെ എണ്ണത്തിൽ ഇതുവരെ കുറവുണ്ടായിട്ടില്ല. ആശുപത്രികളിലെ ഐസിയു, വെന്റിലേറ്ററുകൾ എന്നിവയിൽ അനുഭവപ്പെടുന്ന തിരക്ക് കുറച്ചുനാളുകൾ കൂടി നീണ്ടുനിൽക്കുമെന്ന് മുഖ്യമന്ത്രി അറിയിച്ചു. ജാഗ്രതയിൽ വീഴ്‌ച വരുത്താൻ പറ്റാത്ത സാഹചര്യം തുടരുകയാണെന്നും മുഖ്യമന്ത്രി പറഞ്ഞു.
Read also: വാക്‌സിനേഷൻ സർട്ടിഫിക്കറ്റ് സമൂഹ മാദ്ധ്യമങ്ങളിൽ പങ്കുവെക്കുന്ന പ്രവണത ഒഴിവാക്കണം; കേന്ദ്രം
