പാലക്കാട്: ജില്ലയിലെ കോങ്ങാട് പഞ്ചായത്തിൽ സമ്പൂർണ വാക്‌സിനേഷൻ. പതിനെട്ട് വയസിന് മുകളിലുള്ള മുഴുവൻ പേർക്കും ആദ്യ ഡോസ് വാക്‌സിൻ നൽകി. പഞ്ചായത്തിൽ ഈ പ്രായപരിധിയിലുള്ള 24,016 പേരിൽ അർഹതയുള്ള 23,663 പേർക്കാണ് വാക്‌സിൻ നൽകിയത്.
മറ്റു രോഗം ഉള്ളവർ, കിടപ്പിലായവർ തുടങ്ങി വാക്‌സിൻ സ്വീകരിക്കാൻ ബുദ്ധിമുട്ട് ഉള്ളവർ ഒഴികെയുള്ള എല്ലാവർക്കും വാക്‌സിൻ നൽകിയതായി പഞ്ചായത്ത് പ്രസിഡണ്ട് കെ ബിനുമോൾ അറിയിച്ചു. പഞ്ചായത്ത് പരിധിയിൽ ഇന്നലെമാത്രം ഈ വിഭാഗത്തിലുള്ള 898 പേരാണ് വാക്‌സിൻ സ്വീകരിച്ചത്.
അതേസമയം, പഞ്ചായത്തിൽ വാക്‌സിനേഷൻ നടപടികൾ ഊർജിതമാക്കുമെന്നും പ്രസിഡണ്ട് അറിയിച്ചു. ഓൺലൈൻ വഴിയാണ് കോങ്ങാട് പഞ്ചായത്തിന്റെ നേട്ടം പ്രസിഡണ്ട് പ്രഖ്യാപിച്ചത്.
Read Also: റേഞ്ച് കിട്ടാൻ മരത്തിൽ കയറിയ വിദ്യാർഥി വീണ സംഭവം; ഒറ്റപ്പെട്ടതല്ലെന്ന് കെഎസ്‌യു
