കോഴിക്കോട്: മുക്കത്ത് യുവാക്കൾ തമ്മിൽ സംഘർഷം. സംഭവത്തിൽ ഒരാൾക്ക് കഴുത്തിന് കുത്തേറ്റു. കോഴിക്കോട് മുക്കം പന്നിക്കോട് ഇന്നലെയാണ് യുവാക്കൾ തമ്മിൽ ഏറ്റുമുട്ടിയത്. സജീഷ്, ഷക്കീർ, സഞ്ജയ് എന്നിവർ തമ്മിലുള്ള സംഘർഷമാണ് കത്തിക്കുത്തിൽ അവസാനിച്ചത്.
ഷക്കീറിന്റെ കടയുടെ മുന്നിൽ സജീഷ്, സഞ്ജയ് എന്നിവർ സഞ്ചരിച്ചിരുന്ന വാഹനം പാർക്ക് ചെയ്തിരുന്നു. ഇത് ചോദ്യം ചെയ്തതോടെ ഇവർ വാഹനം പിറകോട്ടെടുത്ത് ഷക്കീറിന്റെ വാഹനം മറിച്ചിട്ടതോടെയാണ് സംഘം ഏറ്റുമുട്ടിയത്. സംഘർഷത്തിനിടയിൽ സജീഷിന്റെ കഴുത്തിന് കുത്തേറ്റു. ഇയാൾ കോഴിക്കോട് മെഡിക്കൽ കോളേജ് ആശുപത്രിയിൽ ചികിൽസയിലാണ്. സംഭവവുമായി ബന്ധപ്പെട്ട് ഷക്കീർ, സഞ്ജയ് എന്നിവർ പോലീസ് കസ്റ്റഡിയിലാണ്.
Most Read: ജോജുവിന്റെ വാഹനം തകർത്ത കേസ്; കൂടുതൽ അറസ്റ്റ് ഇന്നുണ്ടായേക്കും