വയനാട്: ജില്ലയിൽ 15 പേർക്ക് കൂടി തിങ്കളാഴ്ച കോവിഡ് രോഗബാധ സ്ഥിരീകരിച്ചു. ഇതിൽ 12 പേർക്ക് സമ്പർക്കത്തിലൂടെയാണ് രോഗബാധ. കൂടാതെ വിദേശത്ത് നിന്നെത്തിയ ഒരാൾക്കും കർണാടകയിൽ നിന്നെത്തിയ രണ്ടുപേർക്കും രോഗം സ്ഥിരീകരിച്ചു. ഇതോടെ ജില്ലയിൽ കോവിഡ് സ്ഥിരീകരിച്ചവരുടെ ആകെ എണ്ണം 1146 ആയി. 13 പേർ തിങ്കളാഴ്ച രോഗമുക്തിയും നേടി.
ദുബായിൽ നിന്നു വന്ന പടിഞ്ഞാറത്തറ സ്വദേശി (51), ആഗസ്റ്റ് 13ന് ബെംഗളൂരുവിൽ നിന്നെത്തിയ ആറാട്ടുതറ സ്വദേശി (31), 15ന് കർണാടകയി നിന്നു വന്ന ഗുണ്ടൽപേട്ട സ്വദേശി (28), വാളാട് സമ്പർക്കത്തിലുള്ള 4 വാളാട് സ്വദേശികൾ (പുരുഷന്മാർ- 29, 22, സ്ത്രീ- 30, കുട്ടി- 3), ഒരു വാരാമ്പറ്റ സ്വദേശി (20), പടിഞ്ഞാറത്തറ സമ്പർക്കത്തിലുള്ള 3 മുണ്ടക്കുറ്റി സ്വദേശികൾ, (സ്ത്രീ- 26, കുട്ടികൾ- 8, 3), അഞ്ചാംമൈൽ സമ്പർക്കപ്പട്ടികയിലുള്ള കാട്ടിക്കുളം സ്വദേശികൾ (26, 31), മേപ്പാടി സമ്പർക്കപ്പട്ടികയിലുള്ള ചൂരൽമല സ്വദേശിയായ ആൺകുട്ടി (12), കോഴിക്കോട് മെഡിക്കൽ കോളേജ് ജീവനക്കാരിയുടെ ഭർത്താവ്- പനമരം സ്വദേശി (36) എന്നിവർക്കാണ് തിങ്കളാഴ്ച രോഗം സ്ഥിരീകരിച്ചത്. ഇവർക്ക് ചികിത്സ ആരംഭിച്ചതായി ആരോഗ്യവകുപ്പ് അധികൃതർ പറഞ്ഞു.
ജില്ലയിൽ 321 പേരാണ് ഇപ്പോൾ ചികിത്സയിലുള്ളത്. 308 പേർ ജില്ലയിലും 13 പേർ ഇതര ജില്ലകളിലും ആണ് ചികിത്സയിൽ കഴിയുന്നത്. ചികിത്സക്കിടെ അഞ്ചു പേർ മരിച്ചു.
