എറണാകുളം: നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താൻ ഗൂഢാലോചന നടത്തിയ കേസിൽ നടൻ ദിലീപിനെ നാളെ തന്നെ ചോദ്യം ചെയ്യുമെന്ന് വ്യക്തമാക്കി അന്വേഷണസംഘം. ഇതിനായുള്ള നീക്കങ്ങൾ സജീവമാക്കിയതായും, വിശദമായ ചോദ്യം ചെയ്യൽ തന്നെ ഉണ്ടാകുമെന്നും ക്രൈം ബ്രാഞ്ച് അറിയിച്ചു.
അതേസമയം ചോദ്യം ചെയ്യലുമായി സഹകരിച്ചില്ലെങ്കിൽ ദിലീപിനെ കസ്റ്റഡിയിൽ എടുക്കേണ്ടി വരുമെന്നാണ് പ്രോസിക്യൂഷൻ വ്യക്തമാക്കിയത്. അന്വേഷണ ഉദ്യോഗസ്ഥരെ അപായപ്പെടുത്താൻ ശ്രമിച്ച കേസിൽ ദിലീപ് ഉൾപ്പടെയുള്ള പ്രതികളെ അടുത്ത മൂന്ന് ദിവസം ചോദ്യം ചെയ്യാനുള്ള അനുമതിയാണ് ക്രൈം ബ്രാഞ്ചിന് ഹൈക്കോടതി നൽകിയിരിക്കുന്നത്.
രാവിലെ 9 മണി മുതൽ രാത്രി 8 മണി വരെ ചോദ്യം ചെയ്യാൻ അനുമതി നൽകിയിട്ടുണ്ട്. ചോദ്യം ചെയ്യലിന് ശേഷം ചൊവ്വാഴ്ച വീണ്ടും കേസ് പരിഗണിക്കുമെന്നും ഹൈക്കോടതി അറിയിച്ചു. കൂടാതെ ദിലീപിന്റെ അറസ്റ്റ് വ്യാഴാഴ്ച വരെ തടഞ്ഞ കോടതി, അന്വേഷണത്തെ സ്വാധീനിച്ചാൽ അറസ്റ്റിൽ നിന്നുള്ള സംരക്ഷണം റദ്ദാക്കുമെന്നും അറിയിച്ചു.
Read also: റോഡ് നിർമാണത്തിൽ മെല്ലെപ്പോക്ക്; പിഡബ്ളുഡി എഞ്ചിനിയർക്ക് സസ്പെൻഷൻ