പാലക്കാട്: പൊതുമരാമത്ത് വകുപ്പ് എക്‌സിക്യൂട്ടീവ് എഞ്ചിനിയറെ സർവീസിൽ നിന്ന് സസ്‌പെൻഡ് ചെയ്‌തു. പിഡബ്‌ളുഡി എക്‌സിക്യൂട്ടീവ് എഞ്ചിനിയർ പ്രേംജിലാലിനെയാണ് സർവീസിൽ നിന്ന് സസ്‌പെൻഡ് ചെയ്‌തത്‌. റോഡ് നിർമാണ പ്രവൃത്തികളിലെ അനാസ്‌ഥയെ തുടർന്നാണ് നടപടി.
കേരളാ റോഡ് ഫണ്ട് ബോർഡ് പാലക്കാട്, മലപ്പുറം ജില്ലകളുടെ ചുമതലയാണ് ഇയാൾക്ക് ഉണ്ടായിരുന്നത്. ജില്ലകളിലെ വിവിധ പദ്ധതികളുടെ മെല്ലെപ്പോക്കിൽ വ്യാപകമായി പരാതി ഉയർന്നതിനെ തുടർന്നാണ് ഉദ്യോഗസ്‌ഥന് എതിരെ നടപടി സ്വീകരിച്ചത്.
ചിറക്കൽപ്പടി-കാഞ്ഞിരപ്പുഴ, ഒറ്റപ്പാലം-പെരിന്തൽമണ്ണ, എംഇഎസ്-പയ്യനെടം, മണ്ണാർക്കാട്-ചിന്നത്തടാകം, കോങ്ങാട്-മണ്ണാർക്കാട് ടിപ്പു സുൽത്താൻ റോഡ് എന്നീ നിർമാണങ്ങളുമായി ബന്ധപ്പെട്ടാണ് ഉദ്യോഗസ്‌ഥൻ വീഴ്‌ച വരുത്തിയത്.
Most Read: കോവിഡ് സമ്പർക്ക പട്ടികയിലുള്ള സർക്കാർ ജീവനക്കാർക്ക് ഇനി പ്രത്യേക അവധിയില്ല
