കൊച്ചി: കോവിഡ് മഹാമാരി കാലത്തെ സിനിമാ മേഖലയിലെ പ്രതിസന്ധി ചർച്ച ചെയ്യാൻ സംസ്ഥാന സർക്കാർ ചലച്ചിത്ര സംഘടനകളുടെ യോഗം വിളിച്ചു. തിരുവനന്തപുരത്ത് നടക്കുന്ന യോഗത്തിൽ സാംസ്കാരിക മന്ത്രി സജി ചെറിയാൻ അധ്യക്ഷത വഹിക്കും.
കോവിഡ് മാനദണ്ഡങ്ങൾ പാലിച്ച് ഷൂട്ടിങ് നടത്താൻ അനുവദിക്കണമെന്നും തിയേറ്ററുകൾ തുറക്കാൻ അനുവദിക്കണം എന്നുമാണ് സിനിമാ സംഘടനകളുടെ ആവശ്യം. ഓൺലൈനായി വ്യാഴാഴ്ചയാണ് യോഗം ചേരുക. കോവിഡ് സാഹചര്യത്തിൽ വലിയ പ്രതിസന്ധിയാണ് സിനിമാ മേഖല നേരിടുന്നത്. ഉദ്യോഗസ്ഥർ ഉൾപ്പടെ പങ്കെടുക്കുന്ന യോഗത്തിലെ വിവരങ്ങൾ റിപ്പോർട്ടായി സമർപ്പിച്ചുകൊണ്ട് എത്രയും വേഗം വിഷയത്തിൽ തീരുമാനം കൈക്കൊള്ളുമെന്ന് മന്ത്രി സജി ചെറിയാൻ അറിയിച്ചു.
Read also: ചൈനയിലെ ഉൽപാദന യൂണിറ്റ് യുപിയിലേക്ക് മാറ്റി സാംസങ്