രാജ്യാന്തര ഫുട്‍ബോളിൽ നിന്ന് വിരമിക്കൽ പ്രഖ്യാപിച്ച് ക്രിസ്‌റ്റ്യാനോ റൊണാൾഡോ
2016ൽ പോർച്ചുഗലിന് യൂറോ കപ്പ് കിരീടം നേടിക്കൊടുക്കുന്നതിൽ നിർണായക പങ്കുവഹിച്ച റൊണാൾഡോ, രാജ്യാന്തര ഫുട്‍ബോളിലെ എക്കാലത്തെയും മികച്ച ഗോൾവേട്ടക്കാരനായും ഏറ്റവും കൂടുതൽ മൽസരങ്ങൾ കളിച്ച താരമായും ആയിട്ടാണ് പടിയിറങ്ങുന്നത്. 234 മൽസരങ്ങളിൽ നിന്ന് 146 ഗോളുകളാണ് താരം സ്വന്തമാക്കിയത്.
ലിസ്ബൻ: രാജ്യാന്തര ഫുട്‍ബോളിൽ നിന്ന് വിരമിക്കൽ പ്രഖ്യാപിച്ച് പോർച്ചുഗൽ സൂപ്പർതാരം ക്രിസ്‌റ്റ്യാനോ റൊണാൾഡോ. ഇൻസ്‌റ്റാഗ്രാമിൽ പങ്കുവെച്ച വീഡിയോയിലൂടെയാണ് താരം 23 വർഷത്തെ കരിയർ അവസാനിപ്പിക്കുകയാണെന്ന് പ്രഖ്യാപിച്ചത്. അതേസമയം, ക്ളബ് ഫുട്‍ബോളിൽ തുടരുമെന്ന് താരം അറിയിച്ചിട്ടുണ്ട്.
2016ൽ പോർച്ചുഗലിന് യൂറോ കപ്പ് കിരീടം നേടിക്കൊടുക്കുന്നതിൽ നിർണായക പങ്കുവഹിച്ച റൊണാൾഡോ, രാജ്യാന്തര ഫുട്‍ബോളിലെ എക്കാലത്തെയും മികച്ച ഗോൾവേട്ടക്കാരനായും ഏറ്റവും കൂടുതൽ മൽസരങ്ങൾ കളിച്ച താരമായും ആയിട്ടാണ് പടിയിറങ്ങുന്നത്. 234 മൽസരങ്ങളിൽ നിന്ന് 146 ഗോളുകളാണ് താരം സ്വന്തമാക്കിയത്.
”പോർച്ചുഗലിലെ ജനങ്ങളോട്… നമ്മുടെ ദേശീയ ടീമിന്റെ ഏഴാം നമ്പർ ജഴ്‌സി തിരികെ ഏൽപ്പിക്കാനുള്ള സമയം എത്തിയിരിക്കുന്നു. ആ ജഴ്‌സി എന്റേത് മാത്രമാണെന്ന് ഒരിക്കലും ഞാൻ കരുതിയിട്ടില്ല. എന്നാൽ, 23 വർഷക്കാലം അത് അണിയാനും അതിനായി പോരാടാനും ലോകമെമ്പാടുമുള്ള സ്‌റ്റേഡിയങ്ങളിൽ അത് അഭിമാനത്തോടെ അണിഞ്ഞിറങ്ങാനും എനിക്ക് ഭാഗ്യവും ഉത്തരവാദിത്തവും ലഭിച്ചു”- സാമൂഹിക മാദ്ധ്യമങ്ങളിൽ പങ്കുവെച്ച വീഡിയോയിൽ റൊണാൾഡോ പറഞ്ഞു.
അടുത്തിടെ പോർച്ചുഗൽ പരിശീലകൻ ഹോർഹെ ജിസ്യൂമായി റൊണാൾഡോയ്‌ക്ക് അഭിപ്രായവ്യത്യാസം ഉണ്ടായിരുന്നതായും റിപ്പോർട്ടുകൾ ഉണ്ടായിരുന്നു. നേഷൻസ് ലീഗ് മൽസരത്തിൽ കളിക്കാൻ വിസമ്മതിക്കുകയും തുടർന്ന് ടീം ക്യാംപ് വിട്ടുപോകുകയും ചെയ്‌തതിനെ തുടർന്നായിരുന്നു വിവാദം. ക്യാംപ് വിട്ടുപോയ സംഭവത്തിൽ താരത്തിന് 30 ദിവസത്തെ സസ്‌പെൻഷനും ലഭിച്ചിരുന്നു. പിന്നാലെയാണ് വിരമിക്കൽ പ്രഖ്യാപനം.
രണ്ടു പതിറ്റാണ്ടിലേറെക്കാലമായി പോർച്ചുഗൽ ദേശീയ ടീമിന്റെ നെടുംതൂണായിരുന്നു 41കാരനായ റൊണാൾഡോ. 2016ലെ യൂറോ കപ്പ് കിരീടവും രണ്ട് യുവേഫ നേഷൻസ് ലീഗ് കിരീടങ്ങളും സ്വന്തമാക്കാൻ ടീമിനെ സഹായിക്കുന്നതിൽ അദ്ദേഹം നിർണായക പങ്കുവഹിച്ചു. ആറ് ലോകകപ്പുകളിൽ പോർച്ചുഗലിനായി കളിച്ച റൊണാൾഡോയുടെ അവസാന ലോകകപ്പ് പോരാട്ടം ഈ വർഷമായിരുന്നു.
പ്രീക്വാർട്ടറിൽ സ്‌പെയിനിനോട്‌ 1-0ന് തോറ്റ് പോർച്ചുഗൽ പുറത്താകുകയായിരുന്നു. ലോകകപ്പിന്റെ ആറ് വ്യത്യസ്‌ത പതിപ്പുകളിൽ ഗോൾ നേടുന്ന ഏക താരമെന്ന അപൂർവ റെക്കോർഡും റൊണാൾഡോയുടെ പേരിലാണ്. വ്യക്‌തിഗത നേട്ടങ്ങളിലും രാജ്യാന്തര ഫുട്‍ബോളിലെ ദീർഘകാല സാന്നിധ്യത്തിലും വിസ്‌മയിപ്പിക്കുന്ന റെക്കോർഡുകൾ സ്വന്തമാക്കിയെങ്കിലും കരിയറിൽ കൈവരിക്കാനാകാതെ പോയ ഒരേയൊരു പ്രധാന കിരീടമായി ലോകകപ്പ് അവശേഷിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
