തൃശൂർ : ജില്ലയിൽ കോവിഡ് വ്യാപനം രൂക്ഷമായ സാഹചര്യത്തിൽ പ്രതിരോധ നടപടികൾ ശക്‌തമാക്കാൻ തീരുമാനം. ഇതിന്റെ ഭാഗമായി ജില്ലയിലെ 5 പ്രദേശങ്ങളിൽ ജില്ലാ കളക്‌ടർ നിരോധനാജ്‌ഞ പ്രഖ്യാപിച്ചു. ഏപ്രിൽ 19ആം തീയതി മുതലാണ് നിരോധാജ്‌ഞ നിലവിൽ വരുന്നത്. ഇനിയൊരറിയിപ്പ് ഉണ്ടാകുന്നത് വരെ നിരോധനാജ്‌ഞ തുടരുമെന്നും കളക്‌ടർ വ്യക്‌തമാക്കി.
തൃശൂർ കോർപറേഷൻ ഡിവിഷൻ 47, ഒരുമനയൂർ ഗ്രാമപഞ്ചായത്ത്, വെങ്കിടങ്ങ് ഗ്രാമപഞ്ചായത്ത്, കുഴൂർ ഗ്രാമപഞ്ചായത്ത്, കടപ്പുറം ഗ്രാമപഞ്ചായത്ത് എന്നിവിടങ്ങളിലാണ് നിലവിൽ നിരോധാജ്‌ഞ പുറപ്പെടുവിച്ചത്. തൃശൂർ ജില്ലയിൽ പ്രതിദിനം റിപ്പോർട് ചെയ്യുന്ന കോവിഡ് കേസുകൾ ഉയർന്ന സാഹചര്യത്തിലാണ് നിയന്ത്രണങ്ങൾ ശക്‌തമാക്കാൻ അധികൃതർ തീരുമാനിച്ചത്.
ഇന്ന് സംസ്‌ഥാനത്ത് റിപ്പോർട് ചെയ്‌ത കോവിഡ് കേസുകളിൽ തൃശൂർ ജില്ലയിലെ പ്രതിദിന കണക്ക് ആയിരത്തിന് മുകളിൽ ആയിരുന്നു. 1,149 പേർക്കാണ് ഇന്ന് ജില്ലയിൽ കോവിഡ് സ്‌ഥിരീകരിച്ചത്‌. ഇവരിൽ 1,123 പേർക്കും സമ്പർക്കത്തിലൂടെയാണ് രോഗബാധ ഉണ്ടായിട്ടുള്ളത്.
Read also : തൃശൂർ പൂരത്തിന് എത്തുന്നവർക്ക് രണ്ട് ഡോസ് കോവിഡ് വാക്‌സിൻ നിർബന്ധം
