നിയമങ്ങൾ പാലിച്ചില്ലെങ്കിൽ നടപടി; ട്വിറ്ററിന് ഡെൽഹി ഹൈക്കോടതിയുടെ മുന്നറിയിപ്പ്

By Team Member, Malabar News
Twitter
Ajwa Travels

ന്യൂഡെൽഹി : ട്വിറ്ററിന് മുന്നറിയിപ്പുമായി ഡെൽഹി ഹൈക്കോടതി. ഐടി നിയമങ്ങൾ പാലിക്കാത്ത സാഹചര്യത്തിൽ നിയമ നടപടികൾ നേരിടേണ്ടി വരുമെന്നാണ് ട്വിറ്ററിന് കോടതി മുന്നറിയിപ്പ് നൽകിയത്. ഐടി നിയമം പാലിക്കാത്തത് ചൂണ്ടിക്കാട്ടി ട്വിറ്ററിനെതിരെ സമർപ്പിച്ച സ്വകാര്യ ഹരജി പരിഗണിച്ചപ്പോഴാണ് കോടതി ഇക്കാര്യം വ്യക്‌തമാക്കിയത്‌.

രാജ്യത്ത് പ്രവർത്തിക്കുമ്പോൾ ഐടി നിയമങ്ങൾ പൂർണമായും പാലിച്ചേ മതിയാകൂ എന്നും, പരാതി പരിഹാര ഉദ്യോഗസ്‌ഥരെ അടക്കം നിയമിക്കണമെന്നും കോടതി വ്യക്‌തമാക്കി. നിയമങ്ങൾ പാലിക്കാത്ത സാഹചര്യത്തിൽ എങ്ങനെയാണ് രാജ്യത്ത് പ്രവർത്തിക്കുന്നതിനുള്ള അനുമതി നൽകുകയെന്ന് കോടതി ചൂണ്ടിക്കാട്ടി. ഒപ്പം തന്നെ ട്വിറ്ററിനെതിരെയുള്ള നടപടികളുമായി മുൻപോട്ട് പോകാൻ കേന്ദ്രസർക്കാരിന് കോടതി നിർദേശം നൽകുകയും ചെയ്‌തു.

രാജ്യത്തെ നിയമങ്ങൾ പാലിക്കുന്നതിനായി ട്വിറ്ററിന് കൂടുതൽ സമയം അനുവദിക്കാനാകില്ലെന്നും, നിയമം പാലിക്കാത്ത പക്ഷം രാജ്യത്ത് നിന്നും ഒരു തരത്തിലുള്ള സംരക്ഷണവും ലഭിക്കില്ലെന്നും കോടതി വ്യക്‌തമാക്കി. ജൂലൈ 8ആം തീയതി ഹരജി വീണ്ടും പരിഗണിക്കും.

Read also : ഫണ്ട് വിനിയോഗം; ഓഡിറ്റിങ് വേണമെന്ന് ബിജെപി നേതാക്കൾ; സുരേന്ദ്രനെ മാറ്റണമെന്നും ആവശ്യം

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE