ദുബായ്: കോവിഡ് വ്യാപനത്തെ തുടർന്ന് ഏർപ്പെടുത്തിയ യാത്രാ വിലക്കിൽ നാട്ടിൽ കുടുങ്ങിയ ആളുകളുടെ താമസവിസ നീട്ടി നൽകി ദുബായ്. ഡിസംബർ 9ആം തീയതി വരെയാണ് പലരുടെയും വിസ കാലാവധി നീട്ടിയത്. ഇതിൽ ഒരു മാസത്തെ അധിക കാലാവധിയും ഉൾപ്പെടുന്നുണ്ട്.
കാലാവധി നീട്ടി നൽകിയതോടെ ഇനി പ്രവാസികൾക്ക് നവംബർ 9ആം തീയതിക്കകം ദുബായിലെത്തി പുതിയ വിസക്ക് അപേക്ഷ നൽകിയാൽ മതിയാകും. കഴിഞ്ഞ ദിവസം ജിഡിആർഎഫ്എ (ജനറൽ ഡയറക്‌ടറേറ്റ് ഓഫ് റഡിഡൻസി ആൻഡ് ഫോറിനേഴ്സ് അഫയേഴ്സ്) പരിശോധിച്ചവർക്കാണ് വിസ കാലാവധി നീട്ടിയതായി വ്യക്‌തമായത്‌.
ഔദ്യോഗിക അറിയിപ്പ് ഇല്ലാതെയാണ് ഇപ്പോൾ പ്രവാസികൾക്ക് ഇളവ് അനുവദിച്ചിരിക്കുന്നത്. യാത്രക്ക് മുൻപായി https://amer.gdrfad.gov.ae/visa-inquiry എന്ന വെബ്‌സൈറ്റ് പരിശോധിച്ചാൽ താമസവിസയുടെ കാലാവധി നീട്ടിയിട്ടുണ്ടോ എന്ന് അറിയാൻ സാധിക്കും. ദുബായ്‌ക്കൊപ്പം മറ്റ് ചില എമിറേറ്റുകളിലും താമസവിസയുടെ കാലാവധി നീട്ടിയിട്ടുണ്ടെന്നാണ് ലഭിക്കുന്ന വിവരം.
Read also: പികെ ബിജുവിന്റെ ‘ദി സ്‌റ്റോൺ’; പരിണാമചരിത്രം പറയുന്ന സിനിമ ഓഗസ്‌റ്റ് 18ന് ആരംഭിക്കും
