തിരുവനന്തപുരം : പിഎസ്സി നിയമനവുമായി ബന്ധപ്പെട്ട് സംസ്ഥാനത്ത് ഉദ്യോഗാർഥികൾ നടത്തുന്ന സമരം അവസാനിച്ചേക്കുമെന്ന് സൂചനകൾ. സമരം നടത്തുന്ന ലയ രാജേഷ് ഉൾപ്പടെയുള്ള സംഘടനാ നേതാക്കൾ ഡിവൈഎഫ്ഐ ഓഫീസിലെത്തി ഡിവൈഎഫ്ഐ സംസ്ഥാന നേതൃത്വവുമായി ചർച്ച നടത്തി.
ചർച്ചയിൽ മന്ത്രിതല ചർച്ചകൾക്ക് അവസരം ഒരുക്കണമെന്ന ഉദ്യോഗാർഥികളുടെ ആവശ്യം ഡിവൈഎഫ്ഐ നേതാക്കളെ അറിയിച്ചു. ഇത് പ്രകാരം നാളെ മന്ത്രിതല ചർച്ചക്ക് അവസരം ഒരുക്കുമെന്ന് ഡിവൈഎഫ്ഐ സംസ്ഥാന നേതൃത്വം വ്യക്തമാക്കിയിട്ടുണ്ട്. മന്ത്രിമാരുമായി നടക്കുന്ന ചർച്ചയിൽ ഉദ്യോഗാർഥികളുടെ ആവശ്യം അംഗീകരിക്കുകയാണെങ്കിൽ സമരം അവസാനിച്ചേക്കുമെന്നാണ് സൂചന.
അതേസമയം തന്നെ പിഎസ്സി നിയമന പ്രശ്നവുമായി ബന്ധപ്പെട്ട് സെക്രട്ടേറിയറ്റിലേക്ക് യൂത്ത് കോൺഗ്രസ് പ്രവർത്തകൻ പ്രതിഷേധ മാർച്ച് നടത്തി. പ്രവർത്തകർ ബാരിക്കേഡുകൾ മറികടക്കാനുള്ള ശ്രമങ്ങൾ നടത്തിയതോടെ പോലീസും പ്രവർത്തകരും തമ്മിൽ വാക്കുതർക്കം ഉണ്ടായി. തുടർന്ന് സെക്രട്ടേറിയറ്റിന് മുന്നിലൂടെ കടന്ന് പോയ റവന്യൂ വകുപ്പ് വാഹനം പ്രവർത്തകർ തടഞ്ഞു. കൂടാതെ സെക്രട്ടേറിയറ്റിനുള്ളിലേക്ക് കസേരകളും കമ്പുകളും എറിഞ്ഞ് പ്രവർത്തകർ പ്രതിഷേധിച്ചു.
Read also : തിരഞ്ഞെടുപ്പിൽ സീറ്റുകളുടെ കാര്യത്തിൽ ന്യായമായ വിട്ടുവീഴ്ചക്ക് തയ്യാർ; സിപിഐ