തിരുവനന്തപുരം : സംസ്ഥാനത്ത് ഉടൻ നടക്കാൻ പോകുന്ന നിയമസഭാ തിരഞ്ഞെടുപ്പിൽ സീറ്റുകളുടെ കാര്യത്തിൽ ന്യായമായ വിട്ടുവീഴ്ചക്ക് തയ്യാറാണെന്ന് വ്യക്തമാക്കി ദേശീയ സെക്രട്ടേറിയറ്റ് അംഗം ബിനോയ് വിശ്വം. എൽഡിഎഫിൽ സീറ്റുകളുടെ കാര്യത്തിൽ സിപിഐ മുന്നണി മര്യാദകൾ പാലിക്കുമെന്ന് അദ്ദേഹം പറഞ്ഞു. കാഞ്ഞിരപ്പള്ളി മണ്ഡലത്തിലടക്കം ന്യായമായ തീരുമാനം കൈക്കൊള്ളാൻ തയ്യാറാണെന്ന് അദ്ദേഹം വ്യക്തമാക്കി. ഇടത് മുന്നണിയിലേക്ക് പുതിയ കക്ഷികൾ വന്നതോടെ മറ്റ് കക്ഷികൾ കുറച്ചു വിട്ടുവീഴ്ചകൾ ചെയ്യേണ്ടത് അനിവാര്യമാണെന്ന് അദ്ദേഹം പറഞ്ഞു.
യാഥാർഥ്യ ബോധമുള്ള പാർട്ടിയാണ് സിപിഐ എന്നും, എൽഡിഎഫ് മുന്നണി യാഥാർഥ്യമാക്കുന്നതിനായി സിപിഐ നിരവധി വിട്ടുവീഴ്ചകൾ ചെയ്തിട്ടുണ്ടെന്നും ബിനോയ് വിശ്വം വ്യക്തമാക്കി. പുതിയ കക്ഷികൾ മുന്നണിയിലേക്കെത്തി മുന്നണി വിപുലീകരിക്കുമ്പോൾ അതിന് മറ്റ് കക്ഷികൾ വിട്ടുവീഴ്ചകൾ ചെയ്യേണ്ടി വരും. അത്തരത്തിൽ ന്യായമായ ഏതൊരു വിട്ടുവീഴ്ചക്കും സിപിഐ തയ്യാറാണെന്നും, മറ്റ് പാർട്ടികളും ഇതേപ്പറ്റി ചിന്തിക്കുന്നുണ്ടെന്നും ബിനോയ് വിശ്വം വ്യക്തമാക്കി.
Read also : സമരം ചെയ്യുന്നവര് നേരിട്ട് വന്നാല് ചർച്ചയാകാം; ഇപി ജയരാജൻ