തിരുവനന്തപുരം: പിഎസ്‌സി വിവാദത്തിൽ സമരം ചെയ്യുന്നവര്‍ നേരിട്ട് വന്നാല്‍ ചര്‍ച്ച നടത്താമെന്ന് മന്ത്രി ഇപി ജയരാജന്‍. എന്നാല്‍ ഇതേ വരെ അത്തരമൊരു ചര്‍ച്ചക്ക് സമരക്കാര്‍ തയ്യാറായിട്ടില്ല. ചിലർ ഉദ്യോഗാർഥികളെ കൊണ്ട് സമരം നടത്തിക്കുകയാണെന്നും സമരം അവസാനിക്കാതെ തുടരാന്‍ ചിലര്‍ ലക്ഷ്യമിടുന്നുണ്ടെന്നും ഇപി ജയരാജന്‍ പറഞ്ഞു.
സെക്രട്ടറിയേറ്റിന് മുന്നില്‍ ഉദ്യോഗാര്‍ഥികളെ കൊണ്ട് വെറുതെ സമരം ചെയ്യിപ്പിക്കുകയാണെന്നും മന്ത്രി പറഞ്ഞു. സിപിഎമ്മിന് സലീം കുമാര്‍ അടക്കമുള്ള കലാകാരന്‍മാരോട് എന്നും ബഹുമാനമാണ്. എന്നാല്‍ ചില കലാകാരന്‍മാരുടെ തലയില്‍ ഇടതുപക്ഷ വിരുദ്ധ അപസ്‌മാരമാണെന്നും മന്ത്രി കൂട്ടിച്ചേർത്തു.
Read also: ലൈഫ് മിഷനിലെ വീടുകൾക്ക് ഇൻഷുറൻസ് പരിരക്ഷ നൽകും
