സൂററ്റ്: ഉറങ്ങിക്കിടന്ന എട്ടുവയസുകാരിയെ പുലി കടിച്ചകൊന്നു. ഗുജറാത്തിലെ അമ്രേലി ജില്ലയിലാണ് സംഭവം. പായല് ദേവക എന്ന കുട്ടിയാണ് മരിച്ചത്. കൃഷിയിടത്തിന് സമീപത്തെ വീട്ടിന്റെ ടെറസില് മാതാപിതാക്കള്ക്കൊപ്പം കിടന്നുറങ്ങുകയായിരുന്ന കുട്ടിയെയാണ് പുലി കടിച്ചുകൊന്നത്.
പുലർച്ചെ ഒരു മണിയോടെയാണ് ആക്രമണം നടന്നത്. കുട്ടിയുടെ കഴുത്തിന് പിടികൂടിയ പുലി 500 മീറ്ററോളം വലിച്ചിഴച്ച് കൊണ്ടുപോവകയായിരുന്നു. വനത്തിനുള്ളില് വെച്ച് കുട്ടിയെ കണ്ടെത്തുമ്പോഴേക്കും മരണം സംഭവിച്ചിരുന്നു. കുട്ടിയുടെ കുടുംബത്തിന് സൂററ്റ് റേഞ്ച് വനംവകുപ്പ് നാല് ലക്ഷം രൂപ നഷ്ടപരിഹാരം പ്രഖ്യാപിച്ചു.
അതേസമയം ഇതുവരെയും പുലിയെ പിടികൂടാനായിട്ടില്ല. പുലിക്കായി കെണി ഒരുക്കിയതായി വനം വകുപ്പ് അറിയിച്ചു.
Read Also: സംസ്ഥാനത്ത് ഒറ്റപ്പെട്ട സ്ഥലങ്ങളിൽ ശക്തമായ മഴക്ക് സാധ്യത