വിശാഖപട്ടണം: ആന്ധ്രാപ്രദേശിൽ പോലീസുമായുണ്ടായ ഏറ്റുമുട്ടലിൽ 6 മാവോവാദികൾ കൊല്ലപ്പെട്ടതായി റിപ്പോർട്. വിശാഖപട്ടണം കോയൂരു മാമ്പ പോലീസ് സ്‌റ്റേഷന് സമീപത്ത് വെച്ചാണ് ഏറ്റുമുട്ടലുണ്ടായത്.
ഇരുസംഘങ്ങളും തമ്മിൽ നടന്ന വെടിവെപ്പിൽ എത്ര പേർക്ക് പരിക്കേറ്റുവെന്ന് ഇതുവരെ കണ്ടെത്തിയിട്ടില്ലെന്ന് കോയൂരു സിഐ വെങ്കടരാമൻ അറിയിച്ചു. വനമേഖലയായതിനാൽ വിശദാംശങ്ങള്‍ അറിയാൻ സമയമെടുക്കുമെന്നും ഇദ്ദേഹം പറഞ്ഞു. കൂടുതൽ സേനയെ ഉൾപ്പെടുത്തി പ്രദേശത്ത് തിരച്ചിൽ തുടരുകയാണ്. സംഭവസ്‌ഥലത്ത് നിന്ന് എകെ 47 ഉൾപ്പടെയുള്ള ആയുധങ്ങൾ കണ്ടെത്തിയതായും പോലീസ് പറഞ്ഞു. രക്ഷപ്പെട്ട മറ്റു മാവോവാദികൾക്കായി പോലീസ് ഹെലികോപ്‌ടർ ഉപയോഗിച്ച് കാടിനുള്ളിൽ തിരച്ചിൽ നടത്തുന്നതായും വിവരമുണ്ട്.
Read also: ബലാൽസംഗം ചെയ്‌ത്‌ കൊലപ്പെടുത്തി; അസമിൽ 72 മണിക്കൂറിൽ പ്രതികൾ അറസ്‌റ്റിൽ
