ന്യൂയോർക്ക്: മാതൃ കമ്പനിയുടെ പേരിൽ മാറ്റം വരുത്തിയതായി ഫേസ്ബുക്ക്. ‘മെറ്റ’ എന്നാണ് കമ്പനിക്ക് നൽകിയിരിക്കുന്ന പുതിയ പേര്. അതേസമയം നിലവിൽ ഉപയോഗിക്കുന്ന ഫേസ്ബുക്ക് ഇൻസ്‌റ്റഗ്രാം, വാട്‍സ്ആപ്പ് എന്നീ ആപ്പുകളുടെ പേരിൽ മാറ്റമുണ്ടാകില്ലെന്നും ഇതിന്റെ ഉടമസ്‌ഥാവകാശമുള്ള മാതൃ കമ്പനിയുടെ പേരിലാണ് മാറ്റം വരുത്തുന്നതെന്നും കമ്പനി സിഇഒ മാർക്ക് സക്കർബർഗ് അറിയിച്ചു.
കമ്പനിയുടെ മാർക്കറ്റ് പവർ, അൽഗൊരിതം തീരുമാനങ്ങൾ, മറ്റ് നിയമനടപടികൾ എന്നിവയുമായി ബന്ധപ്പെട്ട കാര്യങ്ങൾ നേരിട്ട് മാതൃസ്‌ഥാപനത്തിന് ബാധ്യതയുണ്ടാക്കുന്നത് തടയാനാണ് മാറ്റമെന്ന് സക്കർബർഗ് അറിയിച്ചു. ഫേസ്ബുക്കോ മറ്റ് ആപ്ളിക്കേഷൻ സേവനങ്ങളെയോ സംബന്ധിച്ച കേസുകളും മറ്റും മാതൃകമ്പനിയെ നേരിട്ട് ബാധിക്കുന്നത് ഇതോടെ കുറയും.
Announcing @Meta — the Facebook company’s new name. Meta is helping to build the metaverse, a place where we’ll play and connect in 3D. Welcome to the next chapter of social connection. pic.twitter.com/ywSJPLsCoD
— Meta (@Meta) October 28, 2021
ഈ മാറ്റം തങ്ങളുടെ വ്യത്യസ്‌ത ആപ്ളിക്കേഷനുകളും സാങ്കേതികവിദ്യകളും ഒരു പുതിയ ബ്രാൻഡിന് കീഴിൽ കൊണ്ടുവരാൻ സഹായിക്കുമെന്ന് സക്കർബർഗ് അറിയിച്ചു. അതേസമയം, കമ്പനിയുടെ കോർപ്പറേറ്റ് ഘടനയിൽ മാറ്റം വരുത്തില്ലെന്നും സക്കർബർഗ് കൂട്ടിച്ചേർത്തു.
കാലിഫോർണിയ മെൻലോ പാർക്കിലെ ആസ്‌ഥാനത്ത് നടന്ന ചടങ്ങിൽ പുതിയ ലോഗോയും പുറത്തുവിട്ടു. നീല ഇൻഫിനിറ്റി ഷേപ്പ് നൽകുന്ന ‘മെറ്റ’ എന്നെഴുതിയതാണ് മാതൃ കമ്പനിയുടെ പുതിയ ലോഗോ.
Read Also: ഇടുക്കി ഡാം തുറക്കാൻ സാധ്യത; പെരിയാറിലെ ജലനിരപ്പിൽ ആശങ്കയില്ല
