ന്യൂഡെൽഹി: കാർഷിക നിയമങ്ങൾക്ക് എതിരായ സമരം ശക്‌തിപ്പെടുത്താൻ ഒരുങ്ങി കർഷകർ. ഫെബ്രുവരി 18ന് രാജ്യവ്യാപകമായി 4 മണിക്കൂർ ട്രെയിൻ തടയുമെന്ന് സംയുക്‌ത കിസാൻ മോർച്ച പ്രഖ്യാപിച്ചു. ഉച്ചക്ക് 12 മുതൽ വൈകിട്ട് 4 വരെയാണ് ട്രെയിൻ തടയൽ സമരം നടത്തുക.
ഫെബ്രുവരി 12 മുതൽ രാജസ്‌ഥാനിൽ ടോൾ പിരിവ് അനുവദിക്കില്ലെന്നും സംയുക്‌ത കിസാൻ മോർച്ച അറിയിച്ചു. പ്രശ്‌നപരിഹാരത്തിന് കർഷകർ തയാറാകണമെന്ന് ബുധനാഴ്‌ച പ്രധാനമന്ത്രി ലോക്‌സഭയിൽ ആവശ്യപ്പെട്ടതിന് പിന്നാലെയാണ് കർഷകരുടെ സമരപ്രഖ്യാപനം.
പഞ്ചാബ്, ഹരിയാന, ഉത്തർപ്രദേശ് തുടങ്ങിയ സംസ്‌ഥാനങ്ങളിൽ നിന്നുള്ള കർഷകർ 2 മാസത്തിലേറെയായി പ്രക്ഷോഭം തുടരുകയാണ്. 3 കാർഷിക നിയമങ്ങളും പിൻവലിക്കാതെ സമരത്തിൽ നിന്നും പിൻമാറില്ലെന്ന ഉറച്ച നിലപാടിലാണ് കർഷകർ. പ്രശ്‌നപരിഹാരത്തിനായി ഇതുവരെ നടത്തിയ ചർച്ചകൾ എല്ലാം പരാജയമായിരുന്നു.
റിപ്പബ്ളിക്ക് ദിനത്തിലെ ട്രാക്‌ടർ റാലിക്ക് പിന്നാലെ നിയമങ്ങൾ പിൻവലിക്കണമെന്ന് ആവശ്യപ്പെട്ട് ഈ മാസം തുടക്കത്തിൽ രാജ്യവ്യാപകമായി കർഷക സംഘടനകൾ 3 മണിക്കൂർ റോഡ് ഉപരോധിച്ചിരുന്നു. നിയമം പിൻവലിക്കില്ലെന്ന നിലപാടിൽ തന്നെയാണ് സർക്കാരും. അതേസമയം, സമരം ചെയ്യുന്ന കർഷകരെ കഴിഞ്ഞ ദിവസം പ്രധാനമന്ത്രി ‘സമരജീവി’കളെന്ന് വിശേഷിപ്പിച്ചത് വിവാദമായിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
