തിരുവനന്തപുരം: ജില്ലയിലെ അഞ്ചുതെങ്ങിൽ മൽസ്യ തൊഴിലാളി കടലിൽ വള്ളം മറിഞ്ഞ് മരിച്ചു. പുത്തന്‍മണ്ണ് ലക്ഷംവീട്ടില്‍ ആന്റണിയുടെ മകന്‍ ബാബു(54)വാണ് മരിച്ചത്. അഞ്ചുതെങ്ങ് മുസ്‌ലിം പള്ളിയുടെ എതിര്‍വശത്തെ തീരത്തു നിന്ന് മൽസ്യ ബന്ധനത്തിനായി പോയ പ്രിന്‍സ് എന്ന വള്ളം ശക്‌തമായ തിരയില്‍പ്പെട്ട് മറിയുകയായിരുന്നു.
ഇന്ന് പുലർച്ചെ 5.45നാണ് അപകടം സംഭവിച്ചത്. ബാബു ഉള്‍പ്പടെ മൂന്ന് പേരാണ് വള്ളം മറിഞ്ഞു കടലില്‍ വീണത്. അപകടത്തില്‍പ്പെട്ട മറ്റ് രണ്ട് പേരുടെ ആരോഗ്യനിലയില്‍ പ്രശ്‌നമില്ലെന്ന് അധികൃതർ വ്യക്‌തമാക്കി. കൂടാതെ ബാബുവിന്റെ മൃതദേഹം നിലവിൽ ചിറയിൻകീഴ് താലൂക്ക് ആശുപത്രിയിലേക്ക് മാറ്റിയിരിക്കുകയാണ്.
Read also: ശക്‌തമായ കാറ്റ് തുടരും; ഖത്തറിൽ തൊഴിലാളികൾക്ക് സുരക്ഷാ മുന്നറിയിപ്പ്
